Read Vaiphei SAM 12 Bible Online

SAM 12 - Vaiphei bible

SAM 12

¹Aw LALPA, ei panpi in, Pathian ngaisak mi la a um ta paw’ngal in; mihing chate lak ah mi ginum a um ta puai.

²Mitin in mi maiphatna leh lungthim thua ngen pu’n, zuau thu ngen a gen tau hi.

³LALPA‘n mi maiphatna mûk leh, kisathei tak ah thugenna lei zosia chu ât tan hen la:

⁴“Ka kam un gual zo ing ka tiu in, I mukteu hi eimau â ngei ahi, kua a hem I chung ua thunei um?” a ti sek ui.

⁵“Chagate chom gam ziak leh, tasamte a thûm ziak un, tu’hin kipan ing ka tin, a duthusam gual un bit tak in umsak ing ka,” LALPA‘n a tii.

⁶LALPA thutiamte chu thutiam thiangtho, dangka thîk haltuina mei ah vêl sagi kihâl thiang gual chu ahi.

⁷Aw LALPA, nang in ei vêng bit inla, zia khangthakte lak ah hin kumkhua’n ei vêng zing in.

⁸Gitlona hi mihing chate lak ah choisa’n ah a um gual in, mi nunsiate chun mun tin a fang suak sek ui.