Read Vaiphei SAM 122 Bible Online

SAM 122 - Vaiphei bible

SAM 122

¹“LALPA In ah chia hitiu,” a ti lai uh khan ka kipak a.

²Aw Jerusalem, ka kengteu hi, la kul kotkhak sung in a ding zing ui.

³Jerusalem khawpi chu detdo tak ah lepkhawm ahi.

⁴Zia tak ah chun namte a chia to sek un, LALPA namte ngei chu; Israel â ding ah a thupiak dungzui in, LALPA min ah kipak thu gen dingin.

⁵Zia tak ah chun, vaihawmna dingin, lal chutphate chu daw ahi hen; David Inkuante lal chutpha ngei chu ahi.

⁶Jerusalem thamuanna dingin pauchap piak un: “Nangma hun thangai mite chun vangphatna dong uh hen.

⁷La kulsung ah chun thamuanna um hen la; la gâlvên bûk sung ah chun bitna um ta hen”.

⁸Ka chanaute leh ka gualte min ziakin, “La sung ah thamuanna um ta hen,” ti’ng ka.

⁹LALPA ka Pathian uh In ziakin, la phatna ding hawl ing ka.