Read Vaiphei SAM 129 Bible Online

SAM 129 - Vaiphei bible

SAM 129

¹Tu’hin, Israelte’n, “Ka khangdawng lai ah kipat in, tamveipi ei la soisa tau in,

²ka chapan lai ah kipat in tam veipi, ei la soisa tau hi; ahi’n la, ei zo diak puau hi.

³Leilet mite’n ka nungjang ah lei a let un; jawtlam saupi pi a bawl ui,” ti tau hen.

⁴LALPA chu a dik ah, migilote khauhual chu a ât tan tai.

⁵Zion mudate zosia chu sukmualpho ah um in, jamsiatsak in um tau hen.

⁶Inchung ah hampa kek, a kikhantit masang ah vuai kit mai sek gual in, um uh hen la;

⁷zia gual hampa chu bu-ât te’n khut dim in, a ga a ât ngai puau in, buphal kânlom mite’n le a gau chu, a ângsung uh dim in a luak khawm ngai diak puau in;

⁸a kiang hun haw khate chun: “LALPA‘n hun maljawl ta hen! LALPA min in ka hun maljawl ui! a ti ngai diak puau hi,” ti tau hen.