Read Vaiphei SAM 135 Bible Online

SAM 135 - Vaiphei bible

SAM 135

¹LALPA chu pâk un! LALPA min chu pâk unla, aw nang uh LALPA suakte haw, ama chu pâk un;

²nanghaw LALPA In ah ding ah, I Pathian In huang sung tual ah ding sekte haw,

³LALPA chu pâk un. LALPA chu a pha ngal ah; a min pâk in La sau in, lainat thiam ahi ngal a.

⁴LALPA‘n Jakob chu ama â ding bîk in a kitêl ta hen, Israel hi a gochan dingin a kitêl ta ngal a.

⁵LALPA chu lopi tak ahi ti leh, I LALPAu hi pathian dang zosia chung ah, um ahi ti ka he ta ngal a.

⁶LALPA‘n a nop tapo a bawl sek, van ah hihen la, lei chung hitaleh; tuisuagiat leh tuili thûk tak zosia inle.

⁷Ama’n kawlmong ah kipat in sûmte a chiatosak sek in; kawlphete gua â dingin a siam in, a koikhawmna mun ah kipat in, hui a hun nun dawsak sek hi.

⁸Aigupta gam ah nautîl: mihing hileh, gancha hileh, a la thatpa kha ama ahi.

⁹Aw Aigupta, Pharaoh leh a suakte zosia do ding ah, tepte’na leh thilmak la lak un a la bawl ta ahi.

¹⁰Ama’n nam tamtakte a la khên pâi ah, leng lopi takte a la that gam tai.

¹¹Amorte lengpa Sihon, Bashan lengpa Og leh Kanaan gam ah lenggam zosia:

¹²a gam uh chu a lua ding un a pia’n, a mi Israelte gochan dingin.

¹³Aw LALPA, la min kumtuang in um zing intin; aw LALPA, la minthanna chunle kumtuang dai in a.

¹⁴LALPA‘n a mite vaihawm piak intin, a suakte chu hepi ding ahi ngal a.

¹⁵Namtinte milim pathian chu, dangka leh sana po ahi’n, mihing khutsuak bep ahi.

¹⁶Kam a nei po nau ah chu pauthei lo; mit a nei po nau ah chu muthei lo;

¹⁷bil a nei po nau ah chu hethei lo; a kam ua le hatna him him umlo a hiu.

¹⁸Ziate chu siam ah gingcha taphot chu, ziate gual tho chu a hiu.

¹⁹Aw Israel Inkuante haw, LALPA chu pâk tau in! Aw Aron Inkuante haw, LALPA chu pâk tau in!

²⁰Aw Levi Inkuante haw, LALPA chu pâk tau in! nanghaw LALPA kichate haw, LALPA chu pâk tau in!

²¹LALPA chu Zion ah kipat in pâk in um hen la, Jerusalem ah chêngpa ngei chu. LALPA chu pâk tau in!