Read Vaiphei SAM 136 Bible Online

SAM 136 - Vaiphei bible

SAM 136

¹Aw, LALPA kiang ah kipak thu gen unla, ama a pha ngal a; a ngilneina chu kumkhua’n um ding ahi ngal a.

²Aw pathiante Pathian kiangah chun kipak thu gen un; a ngilneina chu kumkhua’n um ding ahi ngal a.

³Aw lalte LALPA kiang ah chun kipak thu gen un; a ngilneina chu kumkhua’n um ding ahi ngal a.

⁴Ama bep thilmak bawlpa kiang ah chun, a ngilneina chu kumkhua’n um ding ahi ngal a;

⁵hetna ah vante siampa kiang ngei ah chun, a ngilneina chu kumkhua’n um ding ahi ngal a;

⁶tui chung ah leipêk jak mal diai duai pa kiang ah chun, a ngilneina chu kumkhua’n um ding ahi ngal a;

⁷vâk lopi takte siampa kiang ah chun, a ngilneina chu kumkhua’n um ding ahi ngal a;

⁸sûn ah vaihawm ding ah nisa siampa kiang ah chun, a ngilneina chu kumkhua’n um ding ahi ngal a;

⁹jan ah vaihawm ding ah tha leh, aksite siampa kiang ah chun, a ngilneina chu kumkhua’n um ding ahi ngal a.

¹⁰A chatîl uh that ah Aiguptate gawtpa kiang ah chun, a ngilneina chu kumkhua’n um ding ahi ngal a;

¹¹Israelte amau lak ah kipat hun puidokpa kiang ah chun, a ngilneina chu kumkhua’n um ding ahi ngal a;

¹²khut thahât leh bân jak in, a ngilneina chu kumkhua’n um ding ahi ngal a;

¹³Tuipi San phelni sua’pa kiang ah chun, a ngilneina chu kumkhua’n um ding ahi ngal a;

¹⁴a lai tak ah Israelte gâlkâi sakpa kiang ah chun, a ngilneina chu kumkhua’n um ding ahi ngal a;

¹⁵Pharaoh leh a sepaite Tuipi San ah, himangthaipa kiang ah chun, a ngilneina chu kumkhua’n um ding ahi ngal a;

¹⁶a mite gamthip ah pui gâlkâipa kiang ah chun, a ngilneina chu kumkhua’n um ding ahi ngal a;

¹⁷lal lopi takte thatpa kiang ah chun, a ngilneina chu kumkhua’n um ding ahi ngal a;

¹⁸lal minthang takte thatpa kiang ah chun, a ngilneina chu kumkhua’n um ding ahi ngal a;

¹⁹Amorte lengpa Sihon thatpa kiang ah chun, a ngilneina chu kumkhua’n um ding ahi ngal a;

²⁰Bashan gam ah lengpa Og thatpa kiang ah chun, a ngilneina chu kumkhua’n um ding ahi ngal a;

²¹a gam uh gochan ah pepa kiang ah chun, a ngilneina chu kumkhua’n um ding ahi ngal a;

²²a suak Israelte gochan ding ah pepa kiang ah chun, a ngilneina chu kumkhua’n um ding ahi ngal a.

²³Tawden ah I um lai ua ei hezingpa chu ama ahi; a ngilneina chu kumkhua’n um ding ahi ngal a;

²⁴I mêlmateu lak ah kipat ei hukdokpa chu ama ahi; a ngilneina chu kumkhua’n um ding ahi ngal a;

²⁵hinna nei zosia ama’n an a piai; a ngilneina chu kumkhua’n um ding ahi ngal a.

²⁶Aw van Pathian kiang ah chun kipak thu gen un; a ngilneina chu kumkhua’n um ding ahi ngal a.