Read Vaiphei SAM 138 Bible Online

SAM 138 - Vaiphei bible

SAM 138

¹Aw LALPA, ka lungthim zosia’n, la kiang ah kipak thu ka hun gen hi; pathiante ma-âng ah chun nangma pâk in La sa’ng ka;

²la tempul thiangtho lam nga’n, chibai hun bûk ing ka tin; la ngilneina leh la thutak ziakin, la min pâk ing ka; nang in la min leh la thu chu, thil zosia chung in la chawisâng ta’ngal a.

³Ka hun ko ni ma ma in, nang in lei dawnhu ta hen; ka thagau hatna lei hipun piak tai.

⁴La kam ah thu pawtte a het tâk ziak un, aw LALPA, lei ah lalte’n hun pâk tau hen.

⁵LALPA a lopi bêk ziakin LALPA umdante chu, La’n sa ta’n au.

⁶LALPA chu sâng tak in um maleh, mu tawm ah umte chu a ngaitua sek hi; michapote vang gamla tak ah kipat in a muchian hi.

⁷Buaina lak ah chia malengle, ka mêlmate lungnatna lak ah kipat in lei vêngbit ah; la khut la hun jakdok ah, tichun, la khut changlam in lei hukdok sek hi.

⁸LALPA‘n kei ding ah a thiltup chu, mualsua têi intin; aw LALPA, la ngilneina det chun kumtuang dai in a. La khut nasepte haisan kin.