Read Vaiphei SAM 14 Bible Online

SAM 14 - Vaiphei bible

SAM 14

¹Mingol chun a lungthim un, “Pathian a um puai,” a tiu in. A sia zo tau a, huat um takte a bawl un; khat chale thilpha bawl a um ta puau hi.

²Pil leh hethiam ah Pathian hawl a um awm, ti’n LALPA‘n van ah kipat in, mihing chate a hun en suk ah.

³Lam dik ah kipat in a pêt mang suak tau a, a leng un a pêt mang chiat tau hi; kuama thilpha bawl a um ta puau a, pakhat chale a um ta puau hi.

⁴Vaithum nêk gual ah ka mipite ne zo mi nunsiate chun, hetna him neilo a hiu em? Chuleh, LALPA ko ngai lo a hiu em?

⁵Pathian chu mi dikte lakah a um sek ziakin, zia tak ah chun lauthawng in um ta’n au.

⁶Mi chagate kiguanggalna chu sukbuai in um sek maleh, LALPA chu a kihumbitnau ahi.

⁷Aw, Israelte hukhinna chu Zion ah kipat in, hung pawt ta mai leh aw! LALPA‘n a mite vangphatna a piak kit phat leh, Jakob kipak ta’n tin; Israel le lim ta’n a.