Read Vaiphei SAM 147 Bible Online

SAM 147 - Vaiphei bible

SAM 147

¹LALPA chu pâk un! I Pathian uh pâkna La sak hi a pha na e! Ngilneina dim ahi ziakin, ama hi pâk tâk him ahi.

²LALPA‘n Jerusalem a tungding a; Israel nawdaw ah umte chu a pui khawm kit hi.

³Thinlung thasete a sudam ah, a liamnateu a tuam piak hi.

⁴Aksite jat ding a siam in, a min uh a phuak piak chiat hi.

⁵I LALPAu chu a lopi hen, thilhitheina lam ah le nasa tak ahi; a pilna chu tawp nei lo ahi.

⁶LALPA‘n nuaisia ah umte a domsâng in; mi nunsiate vang lei tual in a septha sek hi.

⁷Kipak thu gen in LALPA choihoina La sau in; tingtang tawh I Pathian uh chawihoi in gihawi lem un.

⁸Ama’n vânte khi sûmpi a lia sak in, lei â dingin gua a siam piak in, tichun, tângte ah chun hampa a ke’ sak hi.

⁹Ama’n sa chitinte â ding an a pia’n, va-ak note le a gilkial si’n uh leh an a pesek hi.

¹⁰Sakol hatna leh kitaisiakna hâtna bep chu, a kipakpi pen ahi diak puai;

¹¹ama laute chung in LALPA a kipak in, a ngilneina det thangai mite chung ngei ah chun.

¹²Aw Jerusalem, LALPA chu pâk tau in! Aw Zion, la Pathian chu pâk in!

¹³Ama’n la kul kotkhak thikjawlte chu a hikhau piak a; la ângsung ah la chate chu a maljawl a.

¹⁴La gam sung ah muanna a pia’n; gehu bu phapen pen in a hun hi’dim hi.

¹⁵Lei chung pumpi thu a pia’n, a thu chu kin tak in a thawng sek.

¹⁶Samul puan gual in vûk a khûsak hen; daitui chu vut gual in a thejak hi.

¹⁷Gial chu anmal gual in a thejak in, a khawvot chu kua a hem thuak zo ding?

¹⁸Thu a pia hen, vûk chu a tuitha tai; a huizang a hânsak ah, tuite chu a luansak hi.

¹⁹A thu chu Jakob kiang in a puangdok ah, a thuguat leh a dan siamte chu, Israelte kiang in a latsak hi.

²⁰Ama’n namdangte lak ah kua chung inle, zia gual chun a bawl ngai pua’n; a dan siamte chule a he diak puau hi. LALPA chu pâk tau in!