Read Vaiphei SAM 16 Bible Online

SAM 16 - Vaiphei bible

SAM 16

¹Aw Pathian, ei humbit ta’n, nangma ah kisêl ka hi’ngal a.

²LALPA kiang ah chun, “Nang hi ka LALPA la hi’n; nangmalo in phatna him him ka nei puai,” ka ti’n.

³Lei ah mithiangthote a hiu leh vang, mi ja umte a hiu in; ka kipakna bukimnate chu a hiu.

⁴Pathian dang bêlte chu a lungkhamnau pung intin; a thisan thil latteu chu sungtha pua’ng ka tin, ka mûk in a min uh lam diak pua’ng ka.

⁵LALPA chu ka chantum doichuam leh ka no ahi’n; ka vâng chu la khut ah um ahi.

⁶Gamgi chu kei â ding ah mun nuam tak in a kithung ta’n; ahi, gothil pha tak leh lian tak ka chang tai.

⁷Lem ei guat piak LALPA chu ka pâk hi; jan leh le ka lungthim in ei hil sek hi.

⁸LALPA chu ka ma-âng in ka umsak zing ah, ka changlam ah a um zing ziakin kilîng lo ding ka hi.

⁹Ziaziakchun, ka lungthim a kipak ah, ka hinna le a lim in; ka taksa le bit tak in a chawldam hi.

¹⁰Ka thagau hi Sheol kiang ah pedok pua’n la tin, la mi ginum hile lei kawkhûk ah lutsak diak pua’n la.

¹¹Nang in hinna lampi lei kawk mu hi. La umna phot ah kipakna bukim a um ngal ah; la changlam khut in kumtuang kipakna a um hi.