Read Vaiphei SAM 20 Bible Online

SAM 20 - Vaiphei bible

SAM 20

¹Lungjin ni leh LALPA‘n hun dawnhu ta hen! Jakob Pathian min in hun humbit ta hen!

²A mun thiangtho ah kipat in panpi’na hun sawl piak hen la; Zion ah kipat in hun hihât ta hen.

³La thillat zosia hezing hen la, la hâlmang thillat chu doisak tak in pom piak ta hen. (Selah)

⁴La lungthim doilam chu hun pia hen la, la lungtup zosia hun lawtin sak ta hen.

⁵La zawna lawm ah lim in La sa’ng ka tiu in, ka Pathian min un ka puanlap uh jak ing kau. LALPA‘n la dotna zosia lawtin sak ta hen.

⁶LALPA‘n a sathaunu’ panpi in, a khut chang lam ah hukdawna thahât chun, a van thiangtho ah kipat khin, hun dawnhu ding ahi ti tu’hin ka he tai.

⁷Khenkhat in kângtalaite a suang un, khenkhat in sakolte a suang un, ei hawn vang I kisuanpiu chu, LALPA I Pathian min uh ahi.

⁸Amau chu kisui in kipûk in au; ei haw vang tho in, dingchang ding I hiu.

⁹Aw LALPA, lengpa hi zaw’na pia’n; ka hun ko phat ua leh ei dawnhu in.