Read Vaiphei SAM 21 Bible Online

SAM 21 - Vaiphei bible

SAM 21

¹Aw LALPA, la hâtna chun lengpa a kipak in, la panpi’na ziakin bang gual bep in a lim ta diam!

²A lungtup chu la pia ta’n, a thil dot chu la ît ngai paw’ngal a.

³Thilpha tam tak in la maljawl sek a; sana thiangtho lal lukhuk la khuksak hi.

⁴Ama’n hinna a don ah, kumtuang, kumtuang ah dam sawtna la pia tai.

⁵La panpi’na jal in a lopina chu a lian ma ma ah; thupi’na leh za umna a chung in la nga tai.

⁶Kumtuang â dingin maljawlna nasa tak la pia hen; la umpi’na lim um ziakin la kipaksak hi.

⁷Lengpa chun LALPA a gin ziakin, Chungnung Penpa ngilneina ziakin, ama chu kilîng lo ding ahi.

⁸La khut in la mêlmate zosia mai dok sik sek intin; la khut changlam in nangma do zosia mai dok suak in a.

⁹La hung kilat phat leh amau chu, hâltuina meipi gual in hâl kuang ding la hi. LALPA‘n a lungnatna’n val zo intin, mei chun kâng tum ding ahi.

¹⁰A suan leh pâkteu lei chungah kipat in, sumangthai in la tin; a chateu le mihingte lak ah kipat in sumangthai inla.

¹¹La siatna ding ngaitua ah, a hun thep guat unle lawting diak pua’n au.

¹²La thalpi a maichangteu la ngîm ziakin, amau chu jamsiatsak ding la hi’ngal a.

¹³Aw LALPA, la hatna ziakin choisa’n in um ta’n! La thilhitheina pâk in La sâng kau.