Read Vaiphei SAM 23 Bible Online

SAM 23 - Vaiphei bible

SAM 23

¹LALPA chu ei chingpa ahi’n, tasam pua’ng ka.

²Ama’n hampa hing dip dep munte ah ei kualsak sek ah; tui kiting dai hii hiai munte ah ei pui in;

³ka hinna ei siamphat piak zing hi. Ama min ziakin lamdik ah ei pui sek hi.

⁴Thi’na lîm guam thim pen hawtheng ziang malengle, thil phalo him him lau pua’ng ka; nang ka kiang in la um ngal ah; la khetbûk leh la tiang in lei thamuan hi.

⁵Ei do-te mit mu’n lei limbawl ah, ka luchang sathau la nu’ in, ka no hin a dimlêt zing hi.

⁶Matheilo in phatna leh ngilneina’n, ka dam sungsia’n ei zui zing intin, tichun, LALPA In ah kumkhua’n chêng zing ta’ng ka.