Read Vaiphei SAM 28 Bible Online

SAM 28 - Vaiphei bible

SAM 28

¹Aw LALPA, ka suangpi, ka hun ko hi: ka lam ah la beng hi’ngong kin; lei ngaisak loleh vang mithi khua lûtsukte gual in um kha’ng ka.

²Ka khutte la mun thiangtho pen lam ah hun jak ah, la panpi’na ngai ah ka hung pauchap phat leh, ka dotna ei la ngaithâk piak ta’n.

³Migilo leh thil phalo bawlte lak ah chun, thiamlo ei chan khawmsak kin la; amau chun a Invêngteu kiang in, kichamna thu gen sek maleu, a lungthim uh chun thil phalo ngen a ngaitua ngal un.

⁴A thilbawl uh tawh kigûn leh, a thilbawlteu phatlo dungzui leh, a khut nasep dungzui un din inla, a gitlo man uh musak in.

⁵LALPA nasepte leh a khut thilbawlte, a limsak lo ziak un; tundin kit tâk lo dingin, khen chim den ta’n a.

⁶Lungsiat ah ka dotna aw te a ngaithâk ziakin, LALPA chu pâk in um ta hen!

⁷LALPA chu ka hatna leh ka phaw ahi’n; ka lungthim in ama chu ka muang ngam ah; tichun, panpi in ka um ta’n, ka lungthimle nasa tak in a kipak ta’n, keima’n La sa’n ama pâk ing ka.

⁸LALPA chu a mite â dingin a hatnau ahi’n; a sathaunu’ â ding ah hukhinna kulpi ahi.

⁹Aw, la mite hukhing inla, la gochan chu maljawl ta’n; amau haw ching inla, kumkhua’n kaitua ta’n.