Read Vaiphei SAM 36 Bible Online

SAM 36 - Vaiphei bible

SAM 36

¹Bawsiatna chun mi nunsiate lungthim gil tak in thu a gen a; a mitmuu in Pathian launa him him a um puai.

²A gitlonau mudaw ah um ah, huat ah umlo ding ah kingaitua in, amau a kipakcha sek ui.

³A kam ua thupawtte chu gitlona leh, thepna thu ngen a hisek in; chingthei tak leh pha tak ah bawl a haisan tau hi.

⁴A khum laizawl un thil phalo a suangtuau ah; thil sia bawlna lampi chu a zui un, thil phalo a haw puau hi.

⁵Aw LALPA, la ngilneina chun vante khi a huap in; la ginumna’n van sûm a tung hi.

⁶La dikna chu tângsâng takte gual ahi’n, la vaihawmnate chu tui thûk takte gual ahi; Aw LALPA, nang in mihing leh, gamsate la humbit hi.

⁷La thalîm nuai chu mihing chate zosia’n, a hun bêl theina ding un; aw Pathian, la ngilneina chu, bang gual ah nasa a hita’m!

⁸La In sung hausakna a nopchên un, la kipakna lui ah chun a dawn ding uh la pia’n.

⁹Nangma ah chun hinna tuikhuk a um ngal a; nangma vâk ah chun khawvak ka muu hi.

¹⁰Aw, nangma hun hete chung in, la ngilneina latsak pek inla; lungthim dik tak pute chung in, la hukdamna latsak pek in!

¹¹Mi chapo keng in ei tawden ki’hen la, mi nunsia khut inle ei sawn mang diak ki’hen.

¹²Zia tak sawn thil phalo bawlte a kipûk tau in; thokit talo ding ah sot den in a um tau hi.