Read Vaiphei SAM 39 Bible Online

SAM 39 - Vaiphei bible

SAM 39

¹“Ka lei ah thil ka hikhiallona dingin, ka umdante hi vop pha’ng ka tin; mi nunsiate’n ei umpi lai siau, ka kam hi kam kânna’n huktup ing ka,” ka ti’n.

²Thipbek ah pau lo in ka um in; a pha ziang le gen lo in ka thip a, ahi’n, ka lungngaina chu a khawk zaw sêm ah;

³ka sung ah hin ka lungchang a sa hut hut hi. Ka ngaitua po leh a khawk zaw diak in; ziaphatchun, ka lei in thu a hun gen ta’n:

⁴“LALPA, ka tawpna ding leh ka dam chan ding chu, bang chan hiding a hem ti ei hetsak inla; ka dengdel dan tak hi ei het sak ta’n.

⁵Ka damsung ni khua hi, tûk bang zat a hem bep in la siam ah, ka damsung hile la mit mu in bangma kham ahi puai. Mi tin hi bangmalo mai a hiu.

⁶Mi tin hi lîm gual bep a hiu. A buai thawn mai mai ui! Kua’n hun lua ding a hem ti helo in, go a khol khawm sek ui.

⁷Tu’hin, aw LALPA, bang a hem ka ngâk? Nangma bep ka kinepna la hi.

⁸Ka hikhelna zosia lak ah kipat ei hukdok in. Mingol gensiat in ei umsak kin.

⁹Nang in la bawl ahi ziakin ka pau pua’n, ka kam le ka kêk diak puai.

¹⁰Lei vokna ka kiang ah kipat in lamang inla; la khut ah hi’mangthai ah um ding ka hi tai.

¹¹Mi a gitlona ziak ah zilgaina la thunun phat leh, a ngaichâkte Innget in, a nêk zaw gual in la hi’mang sek ah; mi tin hi bangmalo mai ahi tak zet ui.

¹²Aw LALPA, ka pauchapna ngaitha’n la, ka hun ko’na hin la bildaw in; ka mitthi pawtte hi thipsan kin. La malzin ka hi’n, ka pu leh pateu gual khan, malzin châm mai ka hi’ngal a.

¹³Aw, zia kipat hi ka pawt daw ah, ka hinkhua a kichai masang ah, kipak ah ka umtheina dingin, ei kihei mangsan tiam in,” ka ti’n.