Read Vaiphei SAM 4 Bible Online

SAM 4 - Vaiphei bible

SAM 4

¹Aw, ka dikna Pathian, ka hun ko phat leh ei dawnhu in! Ka lungdon phat cheng leh lei panpi sek ngal a. Ka chung ah ja’ngai inla, ka pauchapna ngaitha’n.

²Aw mite haw, bangchan a hem lei himualpho ding uh? Bangchan a hem pâkchâkna lêm la ngainat ua, zuau thu la hawl ding uh? (Selah)

³Himaleh, LALPA‘n mi ginum chu ama â dingin, a koichuam sek hi ti he tau in; LALPA‘n ka ko phat leh ei ngaitha sek hi.

⁴Buai ah la lungnat phat leh, thil hi’khial kin; la jalkhun chung un thipbek in, la lung uh gêl veng veng un. (Selah)

⁵LALPA kiang ah kithoina dik tak lân unla, ama taksang un.

⁶“Thilpha bang jat a hem mu thei tave leu hin aw! Aw LALPA, la mêl vâk in ei hun salvâk ta’n,” ti tampi a um ui.

⁷A buu leh a uain uh a pun phât leh, a kipaknau sâng ah kipakna nasa zaw, ka thinlung hin la koi hi.

⁸Thamuang tak ah lum in, ipmu ta’ng ka; aw LALPA, nangma bep in, bit tak in lei lupsak thei ngal a.