Read Vaiphei SAM 47 Bible Online

SAM 47 - Vaiphei bible

SAM 47

¹Aw mi zosiate haw, la khut uh bêng unla, limna La ngai tak in Pathian kiang in sau in.

²LALPA, Chungnung Penpa chu a tizat um ngal ah; lei chung zosia ah lal Chungnung pen ahi.

³Ama’n namtinte chu ei zaw sak a, namtin I keng nuai un ei chot densak tai.

⁴Ama’n I golua ding uh ei têl piak in, a hepi Jakob in a la kisaktheipi gam chu.

⁵Pathian chu kiko thawm tawh a chia to in, LALPA chu pêngkul gi tawh a chia to tai.

⁶Pathian pâk in La sau inla, pâkna La sa tau in; I Lal pen uh pâk in La sau inla, a pâkna La sau in.

⁷Pathian chu khawvel zosia lal ahi ngal a; ama pâk in La sau in.

⁸Pathian in namtin chung ah vai a hawm in; Pathian chu a lalchutpha thiangtho in a kichu’i.

⁹Namtin lak ah miliante chu, Abraham Pathian mite gual in a kikhawm ui. Leilung kihumbitna chu Pathian â ahi ngal a; ama chu nasa tak ah choisa’n ahi tai.