Read Vaiphei SAM 61 Bible Online

SAM 61 - Vaiphei bible

SAM 61

¹Aw Pathian, ka kiko thawm hi ei la ngaitha’n la, ka pauchapna hi ngai in.

²Ka lungthim a basap lai in, kawlmong ah kipat in ka hun ko la hi. Suangpi kei sâng ah sângzaw chung in ei pui inla;

³nang chu mêlmate do-na ding ah ka kulpi, Insâng det tak chu la hi’ngal a.

⁴La puanbûk ah chun kumkhua’n ei umsak inla, la thalîm nuai ah chun ei kisêl sak in. (Selah)

⁵Aw Pathian, nang in ka thutiamte la ngaitha’n; la min lau dan thiamte ka golua dingin lei pia ta ngal a.

⁶Lengpa dam kum khua sawt sak inla; a kumte chu suan zosia tiang in um hen!

⁷Pathian ma âng ah kumtuang in, lal in chu zing hen la; ama chingtup dingin, ngilneina leh thu tak guat piak in!

⁸Tichun, ka thutiamte chu, nisi’n ah ka hitheina dingin; la min pâk in La sa zing ta’ng ka.