Read Vaiphei SAM 7 Bible Online

SAM 7 - Vaiphei bible

SAM 7

¹Aw LALPA ka Pathian, nangma ka hun bêl hi; ei delzuite ah kipat ei hukdok inla, ei liakhu in;

²achutiloleh, sakeibaknei gual in, ei puaitel ziang kha’n au; ei hukdok ding umlo ah ei kaimang ding ahi ngal un.

³Aw LALPA ka Pathian, zia gual chu ka bawl a, ka khut ah diklona a la um ah,

⁴ka gualpha thil phalo ah thuk ka la hi ah; ahiloleh, a ziak bei ah ka mêlma siatna ding bawl ka la hi chun,

⁵ka mêlma’n ei del in, ei delpha mai hen la; lei tual in ei chuanchil ziang hen la, ka hinna leivui lak ah koi mai ta hen. (Selah)

⁶Aw LALPA, lungna’n hung kipan inla; ka mêlmate lungnatna do dingin hung kuan inla; Aw ka Pathian, hung kipan in; vaihawmna la guat ta ngal a.

⁷Mipi pung khawmte chun hun ûm kimvel uh hen la, a chung lam ua sâng tak in la vaihawmna chutpha lua ta’n.

⁸LALPA‘n mite vai a hawm piak ah; Aw LALPA, keima dikna leh phatna dungzui in vai ei hawm piak in.

⁹Aw migilote thil bawlsiat chu hi’tawp inla, mi dikte vang phudet ta’n; Aw Pathian dik tak, lungthim leh ngaituanate enchianpa la hi’ngal a.

¹⁰Lungthim dik tak pute hukdokpa Pathian chu ka phaw ahi.

¹¹Pathian chu vaihawmpa dik tak ahi’n; nisi’n migilote chung ah lungdam ni neilo Pathian ahi.

¹²A lung uh a hei lo uh chun, Pathian in a chemjam tât-hiam intin; a thalpi chu luai in a kisazo tai;

¹³a mi thâna hiamheite chu a siamtup diam ta’n; a thal chang lau um tak chule a siam zo tai.

¹⁴Bang gual ah a lunggil ua siatna vop ah, thil phalo bawl nopna dim ah, lepchiana hun hing a hiu em ti en tiam in.

¹⁵Kawkhûk thûk tak in a cho un; a khûk bawl uh chun a ke’lut tau hi.

¹⁶A thil bawlsiatnau ga chu a luchung un kile’kit intin, amau luchung ngei in a hiamngam nau chu a chu tai.

¹⁷LALPA dikna ziakin a kiang ah kipak thu gen ing ka tin; LALPA, Chungnung pen min chu pâk in La sa’ng ka.