Read Vaiphei SAM 84 Bible Online

SAM 84 - Vaiphei bible

SAM 84

¹Aw, sepai honte LALPA, la umna chu ngainat a um na e!

²Ka hinna’n LALPA biak In huang sung chu a ngaina hen, a chau pha hial tai; ka thinlung leh ka phe hi, Pathian hing kiang ah chun kipak in a kikodok tai.

³Aw, sepai honte LALPA, ka Lal leh ka Pathian, nangma mâichâm ah chun pialpîm inle, umna ding a mu’n; vachong inle a chênna ding leh, a note koina dingin bu a nei hi.

⁴La In ah nangma pâkna La sa zing ding ah umte chu, mi nuamsa a hiu.

⁵Nangma ah kipat hatna neite leh, a lunggil ua Zion zotna lamlian neite chu, mi hampha a hiu;

⁶Bakka guam a hawthen lai unle, tuinâk umna’n a siam un; gawtui ke masa chun dîlte a dimsak sek hi.

⁷Hatna kipat hat zawk diakna’n a chia sek un; pathiante Pathian chu Zion ah chun mu hi’n a.

⁸Aw, sepai honte LALPA Pathian, ka pauchapna ei la ngaithâk piak inla; aw Jakob Pathian, la bil hun daw in!

⁹Aw Pathian, ka phawu; la sathaunu’ mêl hi hun en tiam in.

¹⁰La biak In huang sung ah ni khat mai um hile, mundang ah ni sang khat um sâng in a pha zawi. Nunsiatna puanbûkte ah chênden sâng in, ka Pathian biak In kotkhak ngâk ah, panle ka nuam zawi.

¹¹LALPA Pathian chu nisa leh phaw ahi’n, ama’n doisakna leh jana a pia ngal a. Dik tak ah umte kiang ah chun, LALPA‘n thilpha him him a ît ngai puai.

¹²Aw, sepai honte LALPA, nangma hun taksang taphot chu mi hampha a hiu.