Read Vaiphei SAM 92 Bible Online

SAM 92 - Vaiphei bible

SAM 92

¹LALPA kiang ah kipak thu gen leh aw Chungnung pen, la min pâk ah La sak hi a pha na e!

²Jingkal ah la ngilneina puanlat ah, jan ah la ginumna puanlat hi,

³thil githei gui sawm neite tawh pekkhuangte, tingtang gihoite tawh kithua hi a hoi hi.

⁴Aw LALPA, nang in la thilbawl in lei kipaksak in; la khut thilbawlte ziak ah lim in, La sa ding ka hi.

⁵Aw LALPA, la thilbawlte a lopi in, la ngaituanate chule a thûk na lawm lawm e!

⁶Zia chu mimawl in a hethei pua’n, mingol inle a hechian thei diak puai.

⁷Minunsiate chu hampa gual in hung seldok maleu, thil phalo bawl zosia chu lûn maleu, kumtuang ah hi’mangthai ding ah guatsa a hiu;

⁸aw LALPA, nang vang kumtuang â dingin, choisân la hi.

⁹Aw LALPA, la mêlmate, nangma hun do-te zosia vang, mangthai intiu in; thil phalo bawl zosia chu thêchek in um ding a hiu.

¹⁰Himaleh, jangsial kî gual in ka kî la chawisâng ta’n; sathau thak lei sun khum tai.

¹¹Ka mêlmate chung ah ka duthusam chu ka mu hen; ka nakhang inle ka siatna ding bawlte, siatna thawm chu a hia’i.

¹²Midikte chu tûm thing gual in, no let lut intiu in, Lebanon tâng ah sidar thing gual in, khang tul tul in au.

¹³Amau chu LALPA In ah kiphut a hiu in, I Pathian biak In huang sung ah chun, no let lut in au.

¹⁴Têknung inle ga sua zing intiu in; tuipom zing in hing dip dep in au.

¹⁵LALPA chu midik tak leh, ka suangpi ahi’n, ama ah chun diklona him him a um puai, ti ka taklat theina dingin.