Read Vaiphei SAM 96 Bible Online

SAM 96 - Vaiphei bible

SAM 96

¹Aw LALPA chawihoi in La thak sau inla; leilung lua zosiate haw, LALPA chawihoi in La sau in.

²LALPA chawihoi ah La sa’n, a min pâk un; nisi’n in a hukdamna thu het sak tau in.

³Nam tin lak ah a lopi dan puang unla, mi zosia kiang in a thilmak bawlte chu, gensawn tau in.

⁴LALPA chu a lopi ziakin nasa tak ah pâk ding ahi; pathian dang zosia sâng ah nasa tak ah ja ding ahi.

⁵Namtinte pathian chu milimte po ahi’n, LALPA‘n vang vante khi a siam hi.

⁶Ja umna leh thupi’na a ma-âng in a um un; hâtna leh hoina chu a mun thiangtho in a um ui.

⁷Nam tin lak ah mi zosiate haw, LALPA kiang ah piau inla, LALPA kiang ah lopina leh hâtna chu pia tau in.

⁸LALPA kiang in a min tawh kilawm, lopina chu piau inla; kithoina thilpiak chawi in, a huang sungte ah chun hung lût tau in.

⁹Thiangtho hoina’n LALPA chu chibai hung bûk unla; leilung lua zosiate haw, a ma-âng in kithing tau in!

¹⁰“LALPA chu lal ahi! Leilung hile det tak in a phu in, kilîng ngai ngai pua’n a. Ama’n nam tin dik tak in vaihawm piak ding ahi,” ti nam tin lak in genjak un.

¹¹Vante khi lim uh hen la, lei hile kipak ta hen; tuisuagiat leh a sung ah, um zosia gi hum hum tau hen;

¹²gam leh a sung ah um zosia lim tak in um tau hen. Ziaphat chuleh, gammâng thing zosia’nle, lim in La sau hen;

¹³LALPA ma ah chun; ama a hung ngal a, lei chung vaihawm dingin a hung ngal a. Ama’n khawvel hi dik tak in vaihawm piak intin, mi zosia a thu tak in vaihawm piak ding ahi.