Read Vaiphei SAM 97 Bible Online

SAM 97 - Vaiphei bible

SAM 97

¹LALPA chu lal ahi! Lei hi lim ta hen; tuisuagiat ah thialkâl zosia kipak tau hen!

²Sûmpi leh thim in a tuamvêl hi; dikna leh vaihawmna dik chu, a lalchutpha kingakna ahi.

³A malam in meipi a chia in, a kîmvêl ah a mêlmate zosia a kâng tum malam pek hi.

⁴A kawlphete chun khawvel a salvâk suak in; lei in a mu ta’n, lau in a kithing hi.

⁵Tângte chu LALPA ma ah chun, khuainat gual in a tuitha zo tau in, khawvel zosia LALPA ma ah chun.

⁶Vante khin a dikna a puangjak ui; tichun, mi zosia’n a lopina a mu tau hi.

⁷Milim pathian ho zosia a mualpho un, milim bangma hilo suang tapo chu; pathian dang zosia chu a ma-âng in, a bokkhup tau hi.

⁸Zion tâng in a hia’n, a kipak hi; aw Pathian, la vaihawmna ziakin, Judah khawpite lim tak in a um ui.

⁹Aw LALPA, leilung zosia chung ah, Chungnung pen la hi’ngal a; nangma chu pathian zosia chung pek a, chawihoi in la um hi.

¹⁰Gitlona haw zosia chu LALPA‘n a kipakpi hen; a mi ginum zosia a vêng bit sek in, mi nunsiate khut ah kipat in a hukdok sek hi.

¹¹Mi dikte â dingin vâk a hung suak in, lungthim dik takte â dingin, kipakna a hung tung hi.

¹²Aw nanghaw midikte haw, LALPA ah chun lim unla, a min thiangtho chu pâk tau in!