Read Vaiphei THUPILTE 29 Bible Online

THUPILTE 29 - Vaiphei bible

THUPILTE 29

¹Zilgai ahi zing lai ah ngaisak lo nalai chu, a hetlo kâl in sukdam kit theilo ding khop ah, khetbot in hung um in a.

²Midikte thunei ah a pan phat ua leh mipi a kipak sek un; ahi’n la, migilo in vai a hawm phat leh mipi a thûm sek ui.

³Pilna ngaina cha chun a nu leh a pa a kipak sak in; nawchizuak kipawlpi chun a nei thil a hi’mangthai sek hi.

⁴Thu dik ah vaihawmna’n lengpa’n a gam sung a phudet in, du-âm ziak ah gik tak ah liausaktu chun, a gam a kai chim sek hi.

⁵A Invêng pâkchat chîng mi chun, a Invêngte keng â ding ah lênthâng kam ahi.

⁶Miphalote gitlona chun thâng a um hen, midik in vang lim tak in La a sa sek hi.

⁷Midik chun migentheite chanvo ding a hetthiam piak in; migilo in zia gual hetthiamna chu a nei puai.

⁸Simmaw hatte’n khawpi a hâlkuang sek un, mipil in vang thangtawmna a hi’kiang sek hi.

⁹Mipil in mingol a kihekpi chun, mingol chun kinakpi in, a nuisan ah, kichamna a um thei puai.

¹⁰Thisan sua mang mite chun midikte a mudau in, mi lamzangte hinna chu a hawl vêl vêl ui.

¹¹Mingol in a lungnat pet leh a lungthim zosia a gendok sek in, mipil in vang thipbek in a îmgu sek hi.

¹²Vaihawmtu’n zuau thu a ngaisak chun, a vaihawmpite zosia a hi’gilo hi.

¹³Migenthei leh mi nuaisia hat in kibang tak ah a nei uh chu: LALPA‘n a mit uh a hi’vâk piak gêl uh hi ahi.

¹⁴Migentheite dik tak ah vaihawm piak lengpa chu, a lalchutpha kumkhua’n hi’det in um in a.

¹⁵Mol leh zilgaina’n mi a hi’pil a, a cha limsaklonu chun zachakna a tuak sek hi.

¹⁶Migilo in thuneina a chan leh bawsiatna a pung in, ahi’n, midik chun a kipûknau chu a la mu’n a.

¹⁷La chate thunun lechin chawldamna hun pia’n tin; la lung le dam in a.

¹⁸Kilâkna a umlo chun mipi a phêng tat un; dan zawm tapote chu vang mi vangpha a hiu.

¹⁹Suak chu kam ah hil mai in a thunun thei puau in, he maleu le a khawksak ngai sek lo ziak un.

²⁰Lunggêl se se’lo ah thu mawk gen ziang mi la mu ngai em? Zia gual mi sâng ah chun mingol ah kinepna a um zawi.

²¹A naupan lai ah kipat kiduat sual suakpa chun, a tawp leh a pu go hung chang in a.

²²Mi lungpheng chun kinakna a chokdok in; mi lungchom in hi’khel a hau hi.

²³Mi a kiletsakna chun kainiam intin; maleh, kingaitawmna lungthim nei mi chun choisânna mu’n a.

²⁴Gucha kizoppi chun ama hinna mêlma ah kisiam ahi; mi sesapna aw he maleh bangma a gendok diak puai.

²⁵LALPA sâng ah mihing lau hi thâng kikam khum gual ahi’n, himaleh, LALPA ah ginna ngak chu bitna ahi.

²⁶Mi tam tak in vaihawmtu doisakna a hawl un; maleh, LALPA ah kipat bep in thu dik mihing in a mu sek hi.

²⁷Midiklote hi mi thu dik â dingin luaksuak um tak a hiu in; chuleh, dik tak ah um mi chule, migilo â dingin luaksuak um tak ahi.