Read Vaiphei THUGENTU 12 Bible Online

THUGENTU 12 - Vaiphei bible

THUGENTU 12

¹La khangdawn lai ni hin a hun siamtu chu hezing inla, ni phalote a hung tun masang leh, “Kipakna him him ka nei puai,” la ti’na ding kum in a hun nai masang leh,

²nisa a hem khawvak a hem, thapi a hem leh aksite a hem a hung thim masang leh, gawzuk nung ah sûmpi a kile’kit nung ua;

³Invêngpa chu a kithin ah, mihatte le a khun ngawi ngawi ua, a tawm ziak ua numei buhêkte le a chawl ua, tukvan ah khawdak te’nle a muchian theilo ua,

⁴kotzing ah kotkhakte le a kikhâk ah, buhêkna git a hung thip hiai hiai ah, vachate ham git ah mi a hung jingthaw ah, gi ngainop um bawl chanute zosia a hung ngui phat ua;

⁵chung sâng ah um le a hung lau un, lamlian ah le launa a nei un, vaimakha le a hung pâk ah, khauphak chun haksatna a hun tun ah, andu’na thei le a hung hût ah; mi zosia a kumtuang In zuan ah chia ding a hiziak un, lusûnte chu kotzing ah a vak tawl tawl ua;

⁶dangka khaidiat a kitan ah, sana bêl a kêk ah, tuikhuk ah tuibêl le a kêk gawp a;

⁷leivui chu a um ngai gual ah um ding ah lei a suak kit hun in, hinna hule a petu Pathian kiang ah chia kit in a.

⁸Thugentu chun, bangkim mai hi bangmalo mai mai ahi hen, thil zosia hi bangmalo ngen ahi, a ti ahi.

⁹Thugentu chu a pil maile hilo in, mite chu hetna le a zilsak in, thupil tam tak a te’dik in, a zil in, a lem tuak hi.

¹⁰Thugentu chun kampau thum te hawl a gua hen, thudik takte chu kichian tak in a zikdok a.

¹¹Mipil thugen chu sutna thikzum tawhbang ahi’n, a thugen kila khawmte chu belampu’n thîk a khet det gual chu ahi.

¹²Ziate zosia khêl ah chun, ka chapa, chingthei in. Lekhabu tam tak siam in tawp ni nei pua’n tin; zil tam hile taksa gimna bep ahi.

¹³A bawn ah thu khâkna chu ngaitha’i tiu: Pathian chu lau inla, a thupiak vop zing in; zia chu mitin hi’ ding ah poimaw pen ahi ngal a.

¹⁴Pathian in I thilbawl zosiau, a gûk ah kibawl hi hen la, a pha hi’n a sia hileh, a vaihawmna mun ah hun lakhawm sik sek ding ahi ngal a.