Read Vaiphei SOLOMON LÂ 1 Bible Online

SOLOMON LÂ 1 - Vaiphei bible

SOLOMON LÂ 1

¹La te La, Solomon La ngei chu:

²A mi chawpna mûk chun ei chawp hen! La hepina chu uain sâng in a phazaw ngal in;

³la kijutna sathau gimtui ziakin la min chule, sathau gimtui gual ahi; ziaziakchun, nungakte’n a hun hepiu ahi.

⁴Ei pui in, kin tak in chia hitiu! Lengpa’n a pindan ah ei pui lût tai. Nangma ah chun lim ing kau; la hepina chu uain sâng in ka limpi zaw; a hun hepi takzet uh ahi.

⁵Aw Jerusalem ah nungakte haw, ka vomna hen, kilawm tak ka hi! Kedar puanbûkte gual leh, Solomon puanjakte gual mai ka hi.

⁶Ka vom ziakin ei musit kiu in, nisa ei hai dul ka hi. Ka suapite ka chung in a lungnau ah; grep huan vêng in ei koi un, ahi’n, keima grep huan ziang le, veng zo lo ka hi’ngal a.

⁷Ei hil in, aw ka hinna’n a hepi, la gan hon khoi ah la tatsak in, sûn leh khoi ah la kualsak sek em? Bang dingin em midangte gan hon lak ah, nang ka hung hawl ding?

⁸La het lo leh, aw nang numeite lak ah mêlpha pen; gan honte nung hun zui inla, belampu puanbûk kiang vêl a hin, la kêlnote chu tatsak ta’n.

⁹Aw ka hepi, Pharaoh sakol la’ tawh ka hun te hi.

¹⁰La biang chu la kicheina tawh a kilawm in, la ngawng chu sana khi tawh a kilawm ngei!

¹¹La kicheina ding sana leh dangkati, kithiatte hun siam piak ing ka.

¹²Lengpa chu a lupna chung ah a um pêt in, ka sathau gimtui gim chu a hung pawt a.

¹³Ka hepi chu kei â di’n murra chûn, ka awmtâng ah um tawhbang ahi.

¹⁴Ka hepi chu kei â di’n Engedi huan ah, Henna pâkbom gual chu ahi.

¹⁵La hoi ngei, ka hepi, la hoi na lawm lawm e! La mitte chule vakhu a bang hi!

¹⁶La hoi zo hi aw ka hepi, la ngaikâi na lawm lawm e! I lupna hile a hing sit set hen;

¹⁷I Inkamte chule sidar thing ahi’n, I Insunte chule châk thing ahi.