Read Vaiphei SOLOMON LÂ 2 Bible Online

SOLOMON LÂ 2 - Vaiphei bible

SOLOMON LÂ 2

¹Phâijawl ah lili leh Sharon ah rose chu ka hi.

²Theimiling lak ah lili gual in, ka hepi chule nungakte lak in a um hi.

³Gammâng thing lak ah epul thing gual in, ka hepi chule tangvalte lak in a um hi. Kipak ma ma in a lîm nuai ah chun ka chu ta’n; a ga chu ka du lam tak ahi.

⁴Luaithe’na In ah ei pui lût ah, hepina puan ei kop hi.

⁵Grep ho in ei hi’no inla, epul in ei hi’hal kit in; jawlgûk ngai ah damlo ka hi ve’i.

⁶Aw, a khut veilam ei khapsak hen la, a changlam khut in ei kawi leh!

⁷Aw Jerusalem ah nungakte haw, sakêl a hem sazukno a hem min in, thu ka hun tiam la hiu: Ka kihepinau chu ei subuai kiu in.

⁸Ka hepi husa chu ngai un! Tângte chopkân in, Mualte chawm kâi in a hung hi.

⁹Ka hepi chu sakêl tawhbang leh, zukchal tuai tawhbang ahi. En in, bâng pawlam ah dingin, tukvan ah kipat In sung a hun en in, vathakal awngkâl inle, a hun en vêl vêl hi.

¹⁰Ka hepi in ka kiang ah: “Tho in, ka hepi, ka dawi mêlpha, hung kin in;

¹¹tu’hin phalbi a bei ta’n, gua le a theu ta’n, a zu ta puai.

¹²Lei chung in pâkchate a hung kilang tau in; La sakna hunbî a hung tung tai, I gam un vahui hâm git a kihe kit tai.

¹³Theichang a ga pan kit ta’n, grepte le a selthak kit tau in, a gimtui uh a sua kit tau hi. Tho in ka hepi, ka dawi mêlpha, hung nom in.

¹⁴Aw, ka vakhu, kawl suangpi lak ah um ah, kawldan kâl ah um sek; la mêl ei musak inla, la aw le ei hiatsak in; la aw chu a ngainop um in, la mêl le a ngaikâi hi.

¹⁵Si-alte ei hun mat piak in, si-al note, grep selthak susia sekte kha; I grep selthak pan pante, a susia zo tau chu lam,” a ti’n.

¹⁶Ka hepi chu kei â ahi’n, keile ama â ka hi; lili lak in a gan honte a tatsak hi.

¹⁷Nisa a hung nêm ah, nilîm liapte a bei masia, sakêl gual in a hem, tâng ah kawlsia lak ah, zukchal gual a hem in hung kihei in, ka hepi.