Read Vaiphei SOLOMON LÂ 7 Bible Online

SOLOMON LÂ 7 - Vaiphei bible

SOLOMON LÂ 7

¹Aw, nungakte lak ah lengnu, la kengtawdap chu la kilawm na e! La malpite chule, sana themthiamte’n a siam uh, sana malpi mâm tak a bang hi.

²La laikuak chule uain ah tasam lo belbu a bang hi. La tumpi chule lili pâk in, a ûm kîmvêl gehu buvûm a bang hi.

³La nawi panite chule zukchal tuai pani leh, sakêl kiphîk a bang hi.

⁴La ngawng chu saiha Insâng a bang hi. La mitte chule Heshbon dil, Bath-rabbim kotpi bul ah um chu tawh a bang hi. La nak chule Lebanon In sâng, Damaska hun suk-et chu a bang hi.

⁵La luchung ah lukhuk chun, Karmel tâng a hun batsak in; la sam thâiput chu, puan sandup a bang in, la kilawmna’n lengpa chu suak in a man chak tai.

⁶Aw, ka lawmnu, la mêlphatna chu, bang gual bep ah mu nop um leh, etlâ um ahi tam!

⁷La duang chu tûm thing a bang in, la nawite chule tûm selthakte a bang hi.

⁸Keima’n, tûm thing ah chun kãl in, a bâkte chu tu’ng ka, ka tia. Aw, la nawite chu grep selthakte bang hen la, la luchang chule epul gim a nam hen;

⁹la mi chawpna chule, uain tuinâng awlcha luangtha, ne ah kipat hung luang lut, kam sung ah, ha hun sukha gual chu ahi.

¹⁰Kei ka ngai pen â ka hi’n, a duthusam chule kei lam ahi.

¹¹Hung tia, ka hepi pen, pâm ah vâkdok hi tin, khawneute ah chun vagiak tiam hi ti;

¹²ma tak ah tho in, grepte a mûm tau em vaen hi tin; grep pâkte leh theibufaite, a dawndok tau em vaen hi ti. Zia tak ah chun, ka hun hepina hun pia’ng ka.

¹³Jawlzong pâk gimtui a kikhaw in, ka kotbul un theiga tui tak tak te, a lui leh a thakte chu, nangma ka hepi pen â ding ah, ka koikhawm chule a um hi.