Read Vaiphei ISAI 12 Bible Online

ISAI 12 - Vaiphei bible

ISAI 12

¹Zia ni phat chuleh, zia gual hin hun gen ta’n la: Aw LALPA, ka chung ah lungna male chin, la lungnatna chu lamang in; lei thamuan tâk ziakin hun pâk ing ka.

²Ngaitia, Pathian chu ka hukdamna ahi; ama ah kinga’ng ka tin, lau pua’ng ka; LALPA PATHIAN chu ka hâtna leh ka La ahi’n, ka hukdamna a hung hi tai.

³Hukdamna tuikulte ah kipat chun, kipak tak in tui thâldok ta’n lau;

⁴chuleh, zia ni phat chuleh, zia gual hin hun gen ta’n lau: LALPA kiang ah kipak thu gen unla, a min chu ko un; nam tinte kiang in a thilbawl hiatsak unla, a min chu choisân in a um tai, ti tâklang tau in.

⁵LALPA pâk in La sau in, lopi tak in thil a bawl ngal a; zia chu lei chung zosia ah het hi hen.

⁶Ngai tak in kiko unla, lim in La sa un; aw nanghaw Zion ah chêngte haw, la lak ua lopi tak ah um chu, Israel Mithiangtho chu ahi ngal a.