Read Vaiphei ISAI 4 Bible Online

ISAI 4 - Vaiphei bible

ISAI 4

¹Zia hun chuleh, numei sagi’n pawsal khat mantom intin uh, a kiang in: “Ka nêk ding uh kihawl in, ka sil leh chên ding uh kingaitua ing ka tin uh; pawsal bei ka hi’nau liakhu’na’n, ka pawsal un um mai mai in,” hun tin au.

²Zia hun chuleh, LALPA bâk chu mêlpha leh lopi ta ma ma intin; chuleh, a gam ga chule Israelte lakah a suakcha sunte â ding ah kiletsakpi leh a lopinau hung hita’n a.

³Zion ah nutsia ah a la um nalaite leh Jerusalem ah a la chêng nalaite chu mithiangtho ti hi’ntin uh; Jerusalem ah a damsung um ding ah tepte ah um zosia chu,

⁴LALPA‘n vaihawmna thagau leh katmangna thagau ah, Zion chanute a buaknau zosia a sawp thian ah, Jerusalem thisan sua’na ziakah a buaknau zosia a silthian phat leh,

⁵zia hun chuleh, LALPA‘n Zion tâng umna mun zosia leh mipite kikhopna mun taphot chu, sûn ah sûmpi leh jan ah meikuang vâk hun siam piak in a. Lopina zosia bân ah chun vênbitna um ta’n a.

⁶Sûn ah nisa lum in a kâtlona ding leh, huipi leh gawpi lak ah le bêl thei dingin bûkcha hung hita’n a.