Read Vaiphei THIAMPUTE LEKHABU 1 Bible Online

THIAMPUTE LEKHABU 1 - Vaiphei bible

THIAMPUTE LEKHABU 1

¹LALPA‘n kikhopna biakbûk ah kipat Mosi kodok in a kiang in:

²Israelte kiang in zia gual hin la gen ding ahi a tia: La lak ua kua a hem khat in gan-gual lak ah kipat LALPA kiang ah lat ding a hun choi ding leh, bawng hon lak a hem, belam hon lak a hem leh kêl hon lak ah kipat in a hun lâk ding ahi.

³Bawng hon lak ah kipat hâlmang thillat ahi ding chun, a chaltuai pha, demna bei ahi ding ahi; nangma thatheng ah LALPA âng ah pom a hi’theina dingin kikhopna biakbûk kotbul ah chun la hun kai ding ahi.

⁴Hâlmang thillat ding gancha luchung ah chun la khut nga’n la tin; chutichun, la gitlo tatna ding ah la thatheng dingin pom hita’n a.

⁵Bawngchal chu LALPA ma ah thalup hi’ntin; chuleh, Aron cha thiampute chun a thisan chu chawi in, biakbûk kotbul ah mâichâm chu a the’khum ding uh ahi.

⁶Hâlmang thillat gancha chu a vun lip ah, sem nêl ding ahi.

⁷Aron cha thiampute chun mâichâm chung ah mei koi intin uh, zia mei chung ah chun a dan dungzui in thing a sia ding uh ahi.

⁸Aron cha thiampute chun a sa kisem, a luchang leh a thau haw chu mâichâm ah mei kisêm chung ah thing kisia chung ah chun a tian ding uh ahi;

⁹ahi’n, a sung sa zosia tawh a kengte chu tui in a sawp ding uh ahi; a taksa dang cheng chu a pum in hâlmang thillat dingin thiampu’n a hâlvâm ding ahi: zia chu mei ah kihâlvâm thillat hi’ntin, LALPA â ding ah gimtui hita’n a.

¹⁰Gan-gaul hon lak ah kipat hâlmang thillat ding ah kiladok ahi ding chun, belam hon lak a hem, kêl hon lak a hem ah kipat hi hen: zia chu a chaltuai, demna bei hi hen.

¹¹LALPA ma âng ah, mâichâm sak lam pang ah that intin, Aron cha thiampute’n a thisan chu mâichâm kîmvêl the’khum uh hen.

¹²A sa sem nêl hi’ntin, a luchang leh a thau khen intin, chuleh, thiampu’n mâichâm ah mei chung ah thing kisia chung ah chun a tian ding ahi;

¹³himaleh, a sung sa leh a kengte chu tui in a sawp thian ding ahi. Chuleh, thiampu’n a bawn ah chawi in, mâichâm chung ah hâltum ta’n a: Zia chu mei ah hâlmang thillat hi’ntin, LALPA â ding ah gimtui hita’n a.

¹⁴La hâlmang thillat ding chu vacha hon lak ah kipat ahi ding chun, vakhu ahiloleh vapâl hi hen.

¹⁵Thiampu chun vacha chu mâichâm lam ah chawi in, a gawl hektan in, mâichâm ah chun hâltum intin; a thisan chu mâichâm pang ah a luan thâksak ding ahi.

¹⁶A ong chu a sung ah an pum in khok dok intin, mâichâm sak lam ah vut paikhawmna mun ah chun paidok ta’n a.

¹⁷Vacha tha chu a langtuak ah puaitha theng lo in bot khen intin; tichun, thiampu’n vacha chu mâichâm chung ah mei kitik ah chun hâlvâm ta’n ah; zia chu hâlmang thillat, mei ah kihâlvâm, LALPA â ding ah gimtui chu ahi.