Read Vaiphei THIAMPUTE LEKHABU 21 Bible Online

THIAMPUTE LEKHABU 21 - Vaiphei bible

THIAMPUTE LEKHABU 21

¹LALPA chun Mosi kiang in Aron chapa thiampute kiang in zia gual hin gen in, a tia: Mithi ziakin la kihibuak lo ding uh ahi,

²himaleh, a In sung mi a kinaipi pente a nu, a pa, a chapa, a chanu, a suapipa leh,

³a suapi nungak thiangtho, a In sung mi, pawsal nei nailote ziakin ama leh ma kisubuak thei in au.

⁴Insungpa mawpua a hina ziakin a kisubuak in, a kisukpawlche lo ding ahi.

⁵Thiampu chun a sam leh a khamul mêt lo ding, a taksau le a ki-âtliam lo ding uh ahi.

⁶A Pathian â dingin a kikoi thiantho ding uh ahi, a Pathian min uh le a sukbuak lo ding uh ahi: LALPA a Pathian uh â ding ah an, mei ah thil latte a lân sek ngâl un; ziaziakchun, a thiangtho ding uh ahi.

⁷Nawchizuak, ahiloleh numei thanghuai leh a pawsal in a nolsa chu ji’n a nei lo ding uh ahi; thiampu chu a Pathian â dingin mi thiangtho a la hita ngâl un;

⁸amau chu la Pathian uh an petu a hiziak un, la hithiantho ding uh a hiu. Amau chu mi thiangtho in koichuam un; nanghaw hun hithiangthopa LALPA hi ka thiangtho ngâl a.

⁹Thiampute chanu’n nawchi a zok chun a pa le a hi’buak ngâl ahi; ama chu mei ah hâl lup ding ahi.

¹⁰A suapite lak ah thiampu hi ding ah a luchang sathaunu’ ah um hita, puan thiangtho ah kithuam ding ah se’chuam ah um ta chun a sam a thâiput ngai lo ding ahi, a puan le a bawthêk lo ding ahi.

¹¹Mithiluang kiang him him inle a lût lo ding ahi, a nu leh a pa ziak inle a kihibuak lo ding ahi.

¹²Mun Thiangtho ah kipat pawtdok in, a Pathian Mun Thiangtho chu a hi’buak lo ding ahi; a Pathian sathaunu’na lal lukhuk a luchung in a um ngâl ah: Keima hi LALPA chu ka hi.

¹³Nungak thiangtho bep a kichenpi ding ahi.

¹⁴Meithâi a hem, nolsa a hem, mi sukbuaksa a hem leh nawchizuakte haw chu a kichenpi lo ding ahi. Ama chanaute lak ah nungak thiangtho bep a kichenpi ding ahi;

¹⁵tichun, a mite lak ah chisuan a sukbuaklona dingin; Keima LALPA hin ama chu ka hithiangtho ta’ngâl a, ti in.

¹⁶Mosi kiang in LALPA chun:

¹⁷Aron kiang in zia gual hin gen in: La suante khang gui ah demkâi him him in, a Pathian kiang ah vaithum lân dingin hun nai kiu hen.

¹⁸Aron suan ah mi demkâi, mitthum, kengbai, mêlhêmna nei, taksa bâk kim lo,

¹⁹keng bong, khut bong,

²⁰mi tingbawng, mi neu chi, a mit ah demkâi, vunnatna neite, mi phulip neite leh tilchang kêk;

²¹thiampute him him in, LALPA kiang ah mei a thillatte lân dingin a hun nai lo ding uh ahi; demkaina nei pum in a Pathian vaithum lân dingin a hung nai lo ding uh ahi.

²²A Pathian vaithum thiangtho tawh, a thiangtho pente a nêk uh vang phal ahi.

²³Demkâi a hiziak un, ka mun thiangtho a hibuaklona ding un, puanjak leh mâichâm kiang lam a hun nai lo ding uh ahi: Keima LALPA hin ka sukthianthosa a hita ngâl in, ti’n a gen a.

²⁴Zia gual chun, Mosi in Aron tawh a chapate leh Israelte zosia kiang in a gen tai.