Read Vaiphei JEREMIAH 21 Bible Online

JEREMIAH 21 - Vaiphei bible

JEREMIAH 21

¹Lengpa Zedekiah in, Malkhiah chapa Pashhur tawh, Maasreiah chapa thiampu Zephaniah te chu Jeremiah kiang ah; LALPA‘n bang gual thu ei gen piak diam ti dong ding ah sawl in, zia gual hin a vagen un:

²“Babulon Lengpa Nebukadrezar in ei do tâk mai hi, LALPA‘n ei panpi dingin ei dot piak in; LALPA‘n thil lamdang leh lopi tak takte ei la bawl piak zing sek gual ah khan, ei nusia in a kijuk kit ziang khâk leh,” a vatiu a.

³Ziaphatchun, Jeremiah in a kiang un:

⁴Zedekiah kiang in zia gual hin vagen un, a ti’n: LALPA, Israelte Pathian chun zia gual hin a gen hi: Kulbâng pawlam ah hun ûm zo ta, Babulon lengpa leh Kaldai sepaite la do-nau hiam leh thal zosia kha bangmalo hun suasak ing ka tin; la khawpiu lailung ah hin, amau chu a leng un hun pui khawm sik sek ding ka hi.

⁵Keima ngei in khut hat tak lâm in, lungna tak leh thangtawm leh lungso tak in hun do ding ka hi.

⁶Chuleh, zia khawpi sung ah chêng zosia, mi hileh, gancha hileh, gawt ing ka tin, hipi huaisia tak in thi sik sek ding la hiu.

⁷Ziazaw chuleh, Judai gam ah Lengpa Zedekiah leh a suakte leh zia khawpi mipi zosia, hipi leh chemjam leh kial ziak ah thi lo ah suakcha sunte chu, Babulon Lengpa Nebukadrezar, a mêlmateu leh a hinnau hawlte khut in pia’ng ka tin; amau chun lungsiatna bei leh lainatna pang lo in a chemjam un that gam in au, LALPA‘n a tii, ti in.

⁸Chun, zia mipite kiang ah hin zia gual hin gen in: LALPA‘n zia gual hin a gen hi: En tiam un, la ma-âng un hinna leh thi’na lampi ka koi piak hi.

⁹Zia khawpi sung ah um taphot chu chemjam in, kial leh hîpi’n thi’n au; ahi’n la, hung pawtdok ah, a hun ûm kîmvêl Kaldaite kiang ah kipia lut tapo chu hing intiu in; tichun, a hinnau chu kido’na man dingin hinghoi hita’n au.

¹⁰A phatna ding uh hilo, a siatna lam ngen un, zia khawpi chung ah hin ka mit ka têt mai ahi tai, LALPA‘n a tii. Babulon lengpa khut ah piak hita’n tin, ama’n mei in hâl tum ta’n a.

¹¹Judah Inkuan ah lengpa kiang in zia gual hin gen in: LALPA thugen hi a la ngai un.

¹²Aw, David Inkuante haw! LALPA‘n zia gual hin a gen hi: Jingkal ah dikna’n vaihawm unla, nuaisia leh lâkpiak ah umte chu, amau nuaisiate leh lâkpiakte ah kipat chun hukdok un; achutiloleh, la gitlonau ziakin ka lungnatna, kuama’n a phelmit zaw lo ding un, mei gual in hung kuangjak mai ding ahi.

¹³Aw nanghaw, phâijawl ah chêngte leh, phâijang suangpi chêng ah, “Kua a hem ei do ding ah hung kuan, kua a hem ka kul sung ua hung lut thei ding?” tite haw, en un, nang uh ka hun dodâl hi, LALPA‘n a tii.

¹⁴La sep gau tawh kigûn in hun gawt ing ka tin, gammâng lak in mei sêm ing ka tin, a kîm a vêl ah um zosia kâng tum in ah, LALPA‘n a tii.