Read Vaiphei JEREMIAH 3 Bible Online

JEREMIAH 3 - Vaiphei bible

JEREMIAH 3

¹Mi khat in a ji nol hen la, a ji chun a pawsal chu nusia in, pawsal dang khat tawh kicheng taleu, a pawsal masa chun a va kichenpi kit diam? Chutileh, gam chu nasa tak ah sukpolche hilo ding a hem? Nang vâng ngaijawng tam tak nei in, nawchizuak in la pang tai; aleh, kei lam ah la hung kit diam? LALPA‘n a tii.

²Tângjawl lam en in la mit te to in la en tiam in! La lup lonau khoi tak a um em? Gamthip ah umna tum neilote gual in, lam pâm ah la ngaijawngte ngâk in la kitung hi. La zawnthânhuaina leh la nunsiatna’n, gam chu la subuak zo tai.

³Ziaziakchun, van guate tûk tân a hita’n, chavâng gua le a zu ta puai; la maijang in kijuak mêl a kilang in, ja lam la hepuai.

⁴Tu’tak chun la, He pa, ka khangdawng lai ah ka gualpa la hi, lei ti hen;

⁵lungna kumkhua ding leh, a tawp tiang ah lungna den ding la hem? la tiu a. Zia gual ah chun la gen zo ta’n, himaleh, thil phalo la bawl thei zosia chu, la bawl zo ta’ngal a.

⁶Lengpa Josiah lal lai in LALPA‘n ka kiang in thu a hun gen a: Mi ginum lo Israel in tângsâng tincheng ah kal to in, thinghing bullîm nuai tincheng ah nawchizuak ah a kihibuakna zozai pihi la mu em?

⁷Zia thil zosia hi a bawl zaw phat leh, ka kiang lam in hung kile’kitna lo ding a hem ka ti hen; himaleh, a hung kile’kit nuam pua’n; zia gual ah um chu a suapinu mi gin umlo Judah inle a muzing a,

⁸ji gin umlo Israel chu zia gual ah chu a um ziakin, nolna lekha chu pia’n ka sawlmang tai, ti ji gin umlo Judah chunle muzing maleh, launa châng a he diak pua’n, nawchizuak in a chia nalai lai a.

⁹Zawntat thanhuaina chu bangma’n a ngai lo ziakin, gam chu a supolche zo ta’n, suangpi tin leh thing zosia chu a thânhuaipi zo tai.

¹⁰Chutisapi’nle a suapinu, mi ginum lo Judah chunle a lungthim gil tak in ei zuan pua’n, a kilawm bep hawl ah ei bêl ahi, LALPA‘n a tii.

¹¹Mi ginum lo Israelte chu, michavai Judah sâng in a diklonau a nêp zawi.

¹²Chia inla, mallam in zia gual hin vapuang jak in a tii: Ginumlo Israel hung kile’kit in, LALPA‘n a tii. Ka lungnatna mêl in hun en pua’ng ka, lainatna dim ka hi’ngal a, LALPA‘n a tii; kumkhua’n lungna ta pua’ng ka.

¹³La thil bawl khial dan chu puang inla, LALPA la Pathian chung ah gilo la hi dan leh, thinghing bul tincheng nuai ah, mêl hetlote â ding ah la kiphal dante leh, ka kam suak la zop lo dante chu, thupha chawi phot mai in, LALPA‘n a tii.

¹⁴Aw, mi ginum lo chate haw, hung kihei kit un, LALPA‘n a tii; nang uh hun neipa ka hi’ngal a. Khawpi khat ah mi pakhat, Inkuan khat ah mi pani a hem, hun lakhawm ing ka tin, Zion ah hun pui tung ding ka hi, ti in.

¹⁵Tichun, ka lungthim gual tak pu belamchingte hun pia’ng ka tin, amau chun hetna leh hetthiamna’n hun vâk in au.

¹⁶Chuleh, zia gam ah hin la hung pun ua, la hung tam phat uh leh, kuama’n, “LALPA thuthung thingkuang,” ti thu gen ta pua’n tiu in, a lung unle gêl talo in, hetphâk inle um ta pua’n tin, siam kit le hi diak ta pua’n a.

¹⁷Ziaphat chuleh, Jerusalem chu LALPA lalchutpha ti hung hita’n tin, Jerusalem ah LALPA umna chun, nam tinte hung khawm in au; a lungthim ngaituanau phalo tak chu lochal tak in zui zing ta pua’n au.

¹⁸Zia ni phat chuleh, Judah Inkuan ah mite chu Israel Inkuan ah mite’n hun zawm ta’n tiu in; tichun, mallam gam ah kipat hung pawt khawm in, a pu leh pateu kiang ah a gochan ding ua ka piakna gam ah hin hung khawm ta’n au.

¹⁹Chuleh, LALPA‘n zia gual hin a gen a: “Ka chate lak in ka hun koikhawm a, gam nuam tak, khawvel nam zosiate gochan sâng ah, gam mêlhoi pen chu ka hun piai. He pa ti’n ei ko in la tiu in, ei nusia ngai ta pua’n lau, ti’n ka gêl a.

²⁰Chuti sâng in, numei ginum lo in, a pawsal a taisan gual in, aw Israel Inkuan ah mite haw, kei â dingin ginum lo tak in la um tau hi, LALPA‘n a ti ahi,” ti in.

²¹Tângsip kol vel vul lam ah kipat in, kâ thawm het ahi’n; zia chu Israelte kap kawm ah thil don chu a hiu, LALPA, a Pathian uh hemil ah ah, a la tawi khawlo zaw tâk ziak uh ahi.

²²“Aw, chapa gin umlo te haw, hung kile’kit un, la ginumlo nau hun hi’dam piak ing ka”. “Ngai in, ka hun zuan ui, nang LALPA chu ka Pathian uh la hi’ngal a”.

²³Mual leh tâng chung ah kithoi kibawlnate chu, kithepna mai mai ahi ti ka hechian tai. Israel hukdamna chu LALPA I Pathian bep un, a um takzet hi.

²⁴I neulai ua kipat khan, I pu leh pateu sepgimna gate, bawng honte, belam honte, a chanuteu leh, a chapateu natiang in, I mualpho zo tau hi.

²⁵Mualpho tak in lum suk hitiu in, I zachatnau chun ei tuam mai ta hen. I pu leh pateu ah kipat, ei haw neulai leh tu’hun tiang in, LALPA I Pathian chung in I la bawl khial tau ah, LALPA I Pathian uh thu I la ngai paw’ngal un, ti in.