Read Vaiphei KÂ LATE 5 Bible Online

KÂ LATE 5 - Vaiphei bible

KÂ LATE 5

¹Aw LALPA, ka thil tuakteu hi hezing inla, ka mualphonau hi ei hun etthâk piak ta’n!

²Go ah ka luateu la, nam dangte kiang ah piak daw a hitau in, ka Inteu le gam dang mite piak a hitau.

³Pa neilo nauchaga ka suak zo tau; ka nuteu le meithâi gual a hitau hi.

⁴Tui dawn man ka piak uh a ngai ta’n; thingle ka chawk uh a ngai tai.

⁵Ka ngawng ua thikkol bul in, gim tak ah na sepsak ka hitau in; ka chawl ma mau ah, himaleh, chawl dam hun a um puai.

⁶Nêkkhop ka neina ding un, Aigupta leh Assuriate tawh kilemna, ka siam uh a ngai tai.

⁷Ka pu leh pateu a la gilo tau; a umlo nung un a gitlo man uh ka puau hi.

⁸Suakte’n vai ei hawm khum un, a khut ua kipat ei hukdok ding mi a um puai.

⁹Gamthip ah chemjam ah vên in, ka hinnau lauthawng zing kawm in nêk ding ka muu hi.

¹⁰Kialna ziak ah nisapi thuak in, thukkhûk gual in ka vun uh a vom zo tai.

¹¹Zion ah numeite, Judah khawpi nungak thiangthote pawng sual in a um ui.

¹²Leng chate chu khailup in a um un, upate mai ja’na le a um diak puai.

¹³Tangvalte chu a chamlo un bu a hêksak un; naupangte chu hoi dong dong in, thingtum puaksak a hiu.

¹⁴Upate chun khawpi kotkhak a nusia tau in; tangvalte’n le a La sak uh a chawlsan zo tau hi.

¹⁵Ka lungthim ua kipakna a bei zo ta’n, ka lanau lusûnna’n a chang tai.

¹⁶Ka luchang ua kipat in, lallukhuk a ketha ta’n; ka gitlo tâk ziak un, ka chung uh a gik na e!

¹⁷Ziaziakchun, ka lungthim uh a chawldam pua’n, zia thilte ziak chun, ka mit uh a thim zo tai.

¹⁸Zion tâng a châkvai tâk ziakin, si-alte a chung in a ta zo tau hi.

¹⁹Aw LALPA, nang in kumtuang vai la hawm hi; la lalchutpha chun suan zosia tiang a dai hi.

²⁰Bang ding ah kei haw, ei hemil veng veng ziang la hem? Bang ding ah zia chan chan hi ei nusia la hem?

²¹Aw LALPA, nang â dingin ei tungding kit in, chutileh, tundin kit hibep ing kau; malai gual khan ka niteu siamthak kit in.

²²Lei paithâk ziang lo ah, gen theilo khop ah la lung tuak lo, ka hi’lo ngal ua leh,