Read Vaiphei EZEKIEL 2 Bible Online

EZEKIEL 2 - Vaiphei bible

EZEKIEL 2

¹Ka kiang in: Aw mihing, la keng in dingdok in, hun ho ding ka hi, a tia.

²Ka kiang ah thu a hun gen phatin, ka sung ah thagau hung lut in ei dinsak a; ka kiang ah a thugen chu ka he tai.

³Ama’n ka kiang in, Mihing, ka chung ah nam helmang, Israel mipite kiang in ka hun sawl la hi; a pu leh pateu khang ah kipat tu’ni tiang in, ka chung ah thil a bawl khial tau ahi.

⁴A suan a pâkteu le mi phengphel leh lochal a hiu ah. A kiang un vachia inla, zia gual hin la vagen ding ahi: “LALPA PATHIAN in zia gual hin a gen hi,” ti in.

⁵Ngai nuam in ngainuam lo leule (mi helmang a hiu ah,) a lak un jawlnei a um hi ti a la he him him uh hen.

⁶Aw mihing, nang in vang amau chu lau kin la, khaugui lingnei leh ling in a ûm kîmvêl leh, ainuvette lak ah chêng hiziang malehchin le, a thugen uh le lau diak kin; mi helmangte a hiziak un, a thugen uh lau kin la, a mêl putdan uh le huphul diak kin.

⁷Ka thu chu ngai nuam in, ngainuam lo maleule, la vagen ding ahi; mi helmangte ahi ngal un.

⁸Himaleh, nang mihing, la kiang ah ka thugen hi ngai in; zia mi helmangte Inkuan gual ah chun hel kin; la kam kâ’n la, ka hun piak ding chu ne ziang in, a tia.

⁹Ka et leh, khut pakhat in ei hun bân ah, a khut ah chun lekhabu kizial pakhat a um a.

¹⁰Ka âng in a hun phel jak ah; a pêk ma lam leh nung lam kizik gêl ahi’n; kâna, lusûnna leh mauna thu ngen a kizik hi.