Read Vaiphei EZEKIEL 31 Bible Online

EZEKIEL 31 - Vaiphei bible

EZEKIEL 31

¹Kum sawm leh khatna, tha thumna, a ni khat ni chun, LALPA‘n ka kiang in thu a hun gen a:

²Mihing, Aigupta Lengpa Pharaoh tawh, a mipite kiang ah zia gual hin vagen in, ei ti’n: La lopi dan te’pi thei ding kua a um em?

³Lebanon ah sidar thing, a bâkjamte mêlpha leh gammâng lia thim, a jik in vansûm chan pha hial ah, sâng ma ma tawhbang Assuriate chu ngaitua in.

⁴Tuite’n a chawm hing in, a tuite chu a kiphu’na kîmvêl in a luansak ah; gamlak ah thing zosia kiang in, a luichate chu a luandaw sak hi.

⁵Tichun, gamlak ah thing zosia sâng in a sângzaw’n; a buk hung lian in, a bâkte le sau tak ah jam in, tui kiningting tak in a zungte a chapno zing ahi.

⁶A ka’hiang ah chunglêng vacha tinte’n bu a siau in, a bâkjam nuai ah gamlak sa chitinte’n no a nei un, a lîm nuai ah nam thupi zosia a chêng ui.

⁷A zungte tui lak ah jam lut a hiziak un, a bâkte sânna leh a letna ziakin a mêl a phai.

⁸Pathian huan ah sidar thingte’n a tuk zo puau in, a bawkte chule châk thingte’n a tuk puau hi; makha thingte chule a bâkjamte chu tawh, te’ ding gual ahi puai. Pathian huan ah thing pakhat cha’n le, a hoina tuk a um puau hi.

⁹A bâkte jam diai duai ah mêlpha tak in ka siam in; Pathian huan ah ka thingphute chun, Eden huan ah thing zosia’n a êng ui.

¹⁰Ziaziakchun, LALPA PATHIAN in zia gual hin a gen hi: Vansûmte khûp hial ah a bâkte a sân tâk ziakin, a lungthim in a sânna chu a kisaktheipi ta’n,

¹¹namte lal khut in ka pedok ta’n; a nunsiatna tawh kigûn tak in a gawt tai. Ka paidaw ahi tai.

¹²Nam zosia lak ah tizat um pen, gamdang mite’n phuk pâi in, a nusia tau hi. Tânggam leh phâijawl ah chun a bâkte a ketha thâng zeng zung ta’n, a gam tuisuagiat pangjul zosia’n a bawkte a pul thâng zo tai; khawvel ah mi zosia’n, a lîm nuai chu nusia’n a chia mang zo tau hi.

¹³A kungpi pûksa chung ah chun, chunglêng vachate a chêng un, a bawk lak ah chun gamsa zosia chêng ta’n au.

¹⁴Tu’kipat thingkung dang zosia, bang gual ah tui in a chapno hiziang leh le, zia gual ah chu sâng ah, a jik in vansûm dawtpha hial ah sâng a um kit tâklo’na ding ahi. A leng un nuaimi gam ah um dingin, thi’na kiang ah piakdaw ahi ta’ngal un; mihing zosia tawh a leng un, mithi khua’n a kiton lut tau hi.

¹⁵LALPA PATHIAN in zia gual hin a gen hi: Sheol ah a chia suk ni chun, a chung in tuili thûk te chu ka sitkhum ah, ka khâk khum tai; a luite ka tutâng ah, a tui hât takte chu tûktân ahi tai. Lebanon tâng chu lungngaina’n ka thuam ah; ziaziakchun, gammâng ah thing zosia chu a vuai zo tau hi.

¹⁶Mithi khua zuan dingte tawh, Sheol ah ka se’lut ding te pûk git chun namtin ka kithinsak in; Eden huan ah thing zosia, Lebanon tâng ah thing pha pen leh tui in pha tak ah a vâkte zosia le, nuaimi gam in a kithamuan tua tau hi.

¹⁷Namtin lak ah a lîm nuai bêl ah chêng zosia tawh, a lam ua pang zosia leh chemjam in a thalup zosia tawh, a leng un Sheol lam zuan in a kiton suk diam diam tau hi.

¹⁸Eden huan ah thing um zosia lak in, lopina leh letna’ nang tawh te’thei ding a um em? Tu’hin, Eden huan ah thingte tawh nuaimi gam ah pui suk hi’n la tiu in; chemjam ah kithatte lak ah chun, zektanlote lak in lum ta’n la. Zia hi Pharaoh leh a lawite chu a hiu, LALPA PATHIAN in a ti ahi, ti’n a gen tai.