Read Vaiphei EZEKIEL 35 Bible Online

EZEKIEL 35 - Vaiphei bible

EZEKIEL 35

¹LALPA‘n ka kiang in:

²Mihing, Seir tâng lam nga’n la, ama dem in thu gen in,

³a kiang in, LALPA PATHIAN in zia gual hin a gen hi, tin la: “Seir tâng, ka hun dem hi; a hawm ah nutsia’ la umtheina dingin, la chung ah ka khut tha ding ka hi.

⁴La khawpiteu chu ka hi’chim ta’n, nutsia in um ta’n la; chuleh, Keima LALPA ka hi ti hun he ta’n la”.

⁵Masanglai ah kihuatna vop zing ah, Israel mipite’n gawtna tawp a tuak ua, haksatna huaisia tak a tuak hun ua a chung ua chemjam la lap ziak un,

⁶kihâksial hial in LALPA PATHIAN in, Thisan phuba la ding ka hi’n, thisan in hun delzui ding ahi; tualtha’na khawklasak lo ziakin, tual thi ngei ngei ding la hi.

⁷Seir tâng chu hi’siat dim dem ah nutsia in umsak ing ka; a gam haw lumlet zosia le that gam ding ka hi.

⁸A tâng sangte mithiluang in chup intin, a mual leh phâiguamte leh tui luanna kuak zosia chemjam ah thite luang in dim in a.

⁹Kumkhua nutsia leh la khawpite le tundin kit hita lo dingin siam ing ka. Ziaphat chuleh, Keima hi LALPA ka hi dan hun he ta’n la, ti in.

¹⁰Nang in, a sung ah LALPA um zing hileh le, “Zia nam teni leh zia gam teni hi kei â a hiu, I lua diu ahi,” la tiu a;

¹¹ziaziakchun, kihâksial hial in LALPA PATHIAN in, “Amau la huatna ziak ah a chung ua la lungnatna leh, la îtthîkna dungzui in la chung ah bawl ding ka hi; la chung ah vai ka hawm phat leh, la leng ua kiang in kihiatsak ta’ng ka.

¹²Israel tângte demna thu phalo la gendawu, “Nutsia a hitau in, ei uh nêkzaw ding ah piak I hitau hi,” la ti zosiau kha, Keima LALPA hin he suak ka hi ti he ta’n lau.

¹³Kiletsak tak in keima kãl in thu la gen un, lei demna thuu la gen tam ma mau hi; zia zosia chu ka he tai,” a tia.

¹⁴LALPA PATHIAN in zia gual hin a gen hi: Khawvel pumpi lim ah kipak ding khop in, nutsia ah hun umsak ding ka hi, ti’n a gen a.

¹⁵Israel Inkuante nutsia a hiu ah, a go thilteu ziak ah kipak ah la lim gual un, zia chu tawh kiphu tawk in hun gawt ding ka hi; Seir tâng leh Edom gam pumpi, a leng un nutsia in hung um ding la hiu. Ziaphat chuleh, Keima hi LALPA ka hi ti hun he ta’n lau, ti in.