Read Vaiphei EZEKIEL 38 Bible Online

EZEKIEL 38 - Vaiphei bible

EZEKIEL 38

¹LALPA‘n ka kiang in:

²Mihing, Magog gam ah Gog, Meshek leh Tubal gam lalpente lam chu nga’n.

³Amau demna thu zia gual hin gen in: LALPA PATHIAN in zia gual hin a gen hi: Meshek leh Tubal ah lalpen, aw Gog ka hun do la hi;

⁴hun le’hei ing ka tin, la khagute ah ngakuai in hun kai ding ka hi; la sepaite zosia, la sakolte, la sakol chungchuang mite, gâlvan ah kithuam zosia, phawlian leh neu ah kithuam zosia, chemjam chawi zosia leh la lawite zosia tawh hun pui mang ding ka hi.

⁵Persiate, Ethiopiate leh Libiate le phaw leh thîk lukhuk ah kivan in, amau lam in a pang un;

⁶Gomer tawh a sepai zosia; Beth-togarmah leh a sepai zosia, mâltawp lam ah kipat in a hung kuan un, namtinte’n a hun zathuap ui.

⁷Kisa zo inla, kisiam zosa’n um ta’n; nang tawh, la kiang ah um zosia tawh kisiam zo unla, nang chu a chung ua vaihawm ah pang in.

⁸Kum bang jat a hem nung leh hung khawm in lau; hun nunung lam ah chun, kido’na kipat hukdaw ah um leh khawvel namtin lak ah kipat Israel tânggam ah chêng ding ah pui khawm ah umte, kum sawt tak tawden ah umsate do dingin kuan ding la hiu; zia gam ah mipite chu namtin lak ah kipat kiladok, tu’hin gâl muang tak ah a leng ua a um lai tak uh ahi.

⁹Malam zuan in thigawpi gual in hung inla; nang, la sepai zosia leh la pawl ah mite zosia, gam leh lei sûmpi’n a chup gual in hung kuan ding la hiu.

¹⁰LALPA PATHIAN in zia gual hin a gen hi: Zia ni chuleh, thil phalo hun ngaitua inla tin, phalo tak ah bawl ding dan hun guanggal ding la hi.

¹¹“Kulbâng nei lo khuate do dingin kuan ing ka; kul bei khawpi leh thîk dai bei ah gâl muang tak ah chêngte zosia chu vado ing ka,” la ti hen;

¹²gâl lâk thilte chom khawm ah, nutsia ah umsa tu’ ah lua kit ah um ta’, namtin lak ah kipat pui khawm ah um, gancha hon leh nei leh lam tam tak kiluak khawm ah, khawvel gam lailung pen ah chêngte ma ma chu a hiu.

¹³Sheba, Dedan leh Tarshish mi sumkawlveite leh a sakeibaknei noteu chun la kiang in: “Gâl lâk chom khawm ah hung maw la hiu? Gâl lâk chom khawm ding leh, sana, dangka, gan-gual leh nei thil tincheng leh gâl lâk tam tak la ding ah maw la pawlte la hun pui khawm?” a la tin au.

¹⁴Ziaziakchun, mihing, Gog kiang in zia gual hin gen in: LALPA PATHIAN in zia gual hin a gen hi: Ka mipi Israel, gâl muang ah bit tak ah a um phat uh leh, hung kichok phûl in la tin,

¹⁵la umna mâl tawp ah kipat in hung kuandok ta’n la tin; nang tawh mipi tam tak sakol chung ah chuang in, mi hon ting tak, sepai hât takte chu;

¹⁶sûmpi’n lei chung a khû gual in, ka mipi Israelte do dingin hung kuan in lau. Hun nunung lam leh, ka gam do ding in hun pui ing ka tin, ka thiantho’na a muthei ding ua nang chung ah ka hun hilat phat leh, aw Gog, namtin in Keima ei hun he ta’n au.

¹⁷LALPA PATHIAN in zia gual hin a gen ah: Masang lai ah ka suak, Israel jawlneite’n a la gen uh, tu’nung leh amau hun do ding ah ka pui ding, a la titeu chu nang uh la hiu em?

¹⁸Israel gam do ding ah Gog a hung kuan daw phat leh, ka lungnatna chawthaw hita’n a, LALPA PATHIAN in a tii.

¹⁹Ka îtthîkna leh ka siatso lai tak in thupuan ka bawl tai: Zia hun chuleh, Israel gam nasa tak in kithing in a;

²⁰tuisuagiat ah sanga zosia, chung ah lêng vachate, gamlak ah sa zosia leh lei tual ah bokvâk zosia, leipêk chung ah mihing zosia ka âng ah kithing ta’n au; mual leh tângte paithâk hi’ntin, kawlsiate le chim intin, kulbâng zosia lei tual tawh kikim in chim ta’n a.

²¹Ka tâng zosia ah Gog do dingin chemjam kodok ing ka tin, chemjam zosia’n a lawite do ta’n au, LALPA PATHIAN in a tii.

²²Ama do-na’n natpi leh kitualthâna a chung in tunsak ing ka tin; chuleh, ama tawh a sepaite chung in, gua, gial, mei leh kât zuksak ding ka hi.

²³Tichun, ka thupi’na leh ka thianthona chu tâklang ing ka tin, namtin mu dingin kitâklang ta’ng ka. Ziaphat chuleh, Keima hi LALPA ka hi ti he ta’n au.