Read Vaiphei EZEKIEL 47 Bible Online

EZEKIEL 47 - Vaiphei bible

EZEKIEL 47

¹Chuleh, Tempul kotkhak lam chun ei pui kit a; ngaitia, tempul In mai nuai ah kipat tui hung pût in, sualam zuan in a luang ta’n (Tempul chu sualam nga ahiziak in;) chun, tui chu simlam kâi in a luang suk pek ah, Tempul In tual simlam gei ah mâichâm nung lam tiang chun a luang tai.

²Chuleh, mallam kotpi’ ei puidok in, huang pawnung zaw pawlam, sualam nga chu ei et vêlpi a; tui chu simlam kâi in a luangdok a.

³Sualam zuan ah chia in, a khut ah te’na mol chun tong sang khat a te’ ah; chuleh, tui chu ei palpi ah, ka âkkhawmit tiang a pha’n.

⁴Chuleh, tong sang khat te’ kit in, tui chu ei palpi ah, ka khûp tiang in a thûk ah. Chuleh, tong sang khat te’kit in, tui chu ei palpi kit ah, ka kawng tiang in a thûk a.

⁵Tong sang khat a te’ kit ah, luipi a suak tâk ziakin ka pal kâi zo ta puai; tui chu a khang ma ma ngal a; tui chu palthen theilo ding khop ah thûk, zap ngai hial a hung hi tai.

⁶Ka kiang in, “Mihing, zia hi la mu em?” ei hun ti’n. Ziaphatchun, lui pang lam in ei pui kit a.

⁷Ka chia kit phatin, lui pang lang tuak ah thingkung tam tak ka mu ta’n.

⁸Chuleh, ka kiang in, “Zia lui hi sualam ah luang in Arabah ah luang lut ahi; tuisuagiat kiting a tun phat leh, a tui chu hung thiang ta’n a.

⁹Zia tui luanna taphot chun, tui ah ganhing zosia hing kit ta’n tin, sanga tam tak hung um kit ta’n a; zia tui luanna taphot ah tuisuagiat tui chu hi’thian hingal ta’n a; tichun, zia tui luanna taphot ah chun, bangkim hing kit ziang ding ahi ngal a.

¹⁰Sanga man mite tuisuagiat dung ah chun kuan intiu in; Engedi ah kipat En-eglaim tiang chu nga matna lenjakna mun hung hita’n a; Mediteranean Tuisuagiat ah um jat sanga chitin um ta’n a.

¹¹Himaleh, chikdawpte chu vang hi’thian hipua’n tin, chi lâkna ding ah khêk hita’n a.

¹²A lui pang tuak ah chun, nêk thei thing chitin um in a. A tui chu mun thiangtho ah hung luangdok ahiziak in, thingduate chu vuai ngai pua’n tin, a ga le hût ngai pua’n a; thasin in ga thak suang zing zaw’n au; chuleh, zia thing gate chu nêk ding leh a duate chu sukdamna ding hita’n a,” a ti tai.

¹³LALPA PATHIAN in zia gual hin a gen a: Israel nam sawm leh nite kiang in a gochan ding uh, gam la hoppiakna ding gamgi ding chu zia gual hi ahi. Joseph in chanvo ni chang in a.

¹⁴La pu leh pateu kiang ah piak ding ah ka la tiamna, la gochannau gam chu kibang chiat in la kihawm diu ahi.

¹⁵La gamgi ding uh chu zia hi ahi: mallam ah Tuipi Lian ah kipat Hethlon lampi, Hamath kotsua leh Zedad tiang ah,

¹⁶Berothah, Sibraim (zia chu Damaska tawh Hamath kikâl gamgi ahi’n) ah kipat Hauran gamgi jul ah Hazerhattikon tiang hi’ntin.

¹⁷Chuleh, gamgi chu Tuisuagiat ah kipat Damaska mallam gamgi bul, Hazarenon tawh, a mallam ah Hamath gamgi bul tiang hi’n a. Zia hi mallam ah la gamgi diu hi’n a.

¹⁸Sualam gamgi ding chu Hazarenon ah kipat in, Hauran tawh Damaska kikâl in kithung intin; Jordan luidung ah kithung in, Gilead tawh Israel gam kikâl ah chia intin, sualam Tuisuagiat ah Tamar tiang hi’n a. Zia hi sualam ah la gamgi diu hi’n a.

¹⁹Simlam gamgi ding chu Tamar ah kipat Meribah-kadesh lui tiang ah kithung in, Mediteranean Tuisuagiat pang ah Aigupta luicha lam in kithung in a. Zia hi simlam ah la gamgi diu hi’n a.

²⁰Tumlam gamgi ding chu, Mediteranean Tuisuagiat ah kipat Hamath lûtna ding nuai zawn tiang hi’n a. Zia hi tumlam ah la gamgi diu hi’n a.

²¹Tichun, Israelte a phung dungzui chiat un zia gam hi la kihop diu ahi.

²²Nanghaw tawh gam dang mi, la lak ua chêngden ah cha leh naunei ta te kiang in gochan dingin la kihop diu ahi. Amau chu Israelte cha ma ma leh a gam ah piangte gual ah la pom diu ahi; amau le la lak un, Israel phung tin lak ah gam chanvo la guan piak diu ahi.

²³Gamdang mi zosia’n le a umnau phungte gual tho in, a gam chan ding uh la hawm piak dungzui chiat un a lua diu ahi, LALPA PATHIAN in a ti’ngal ah, ti’n a gen a.