Read Vaiphei HOSEA 1 Bible Online

HOSEA 1 - Vaiphei bible

HOSEA 1

¹Judai gam ah lengte, Uzziah, Jotham, Ahaz chuleh Hezekiah leng a hilai in leh, Israel lenggam ah Lengpa Joash chapa, Jeroboam Leng a hilai ah, Beeri chapa, jawlnei Hoshea kiang ah LALPA’n thu a hun gen chu.

²Hoshea mangcha’n LALPA‘n thu a gen masak pen ah chun, LALPA‘n Hoshea kiang in, “Chia inla, mi thanghuai suan ah mi, numei thanghuai ji’n vanei in; zia gam hin LALPA chu kiheisan in huaisia tak in a thanhuai san ta’ngal in,” a ti ta’n.

³Tichun, a chia in, Diblaim chanu, Gomer a kichenpi ta’n; chun, nau a vop ah, chapa khat a hinpiak tai.

⁴Chun, LALPA chun a kiang in, “A min dingin Jezreel a sa’n, a ziak chu, Jezreel thisan phuba chu Jehute Inkuan chung ah chom lo kâl sung in la ding ka hi; chun, Israel Inkuan lenggam chu sutawp ding ka hi.

⁵Zia ni chun Jezreel phâijawl ah Israel thalpi chu sukbot piak ding ka hi,” a tii.

⁶Amanu’n nau a vop kit ah, chanu khat a hing ta’n. Ziaphat ah chun, Pathian in a kiang in, “A min in Lo-ruhamah a sa’n; Israel Inkuan chung ah lainatna’n le ngaidam ta pua’ng ka tin,

⁷Judah Inkuante chung ah vang lainatna nei ing ka tin, thalpi a hem, chemjam a hem, kidona a hem, sakol leh sakol chungchuang mi a hem in amau hukdam lo in, LALPA a Pathian uh chun hukdam ing ka,” a ti’n.

⁸Amanu’n Lo-ruhamah nawichep a haisak phatin nau a vop kit ah, chun, chapa khat a hun hing ta’n.

⁹Ziaphatchun, LALPA‘n a min in, “Lo-ammi sa’n. Nang uh hi ka mite la hipuau ah, keima le la Pathian uh ka hi’tâk lo ziakin,” a ti tai.

¹⁰Ahi’nla, Israel mipi chu tuisuagiat ah piaunêl te’ zaw gual lo leh simsên gual lo jat hi’n tiu in, a kiang un, “Ka mite la hipuau,” ti’na mun ah chun, amau kiang in, “Pathian hing chate,” ti hung hita’n au.

¹¹Chun, Judah mipite leh Israel mipite kigawm khawm intiu in, amau â ding luchang pakhat, kiguat in au; zia gam chu lua ta’n au, Jezreel nikhua chu nasa ma ma ding ahi ngal a.