Read Vaiphei JONAH 2 Bible Online

JONAH 2 - Vaiphei bible

JONAH 2

¹Ziaphatchun, Jonah chu ngapi gilpi sung ah kipat chun, LALPA a Pathian kiang in a hung pauchap ta’n:

²“Ka lungdonna tawp khawk in LALPA chu ka ko ah, ama’n ei hun dawnhu tai; Sheol gilpi sung ah kipat in ka hun ko a, nang in ka aw la he tai.

³Nang in tuisuagiat sunggil lam thûk tak ah lei pai lut ta’n, tuisuagiat in ei chup tai; la tuifawn leh la tui kinawkte chun ei chupmang tau hi.

⁴‘La mit mu ah paidaw ka hita’n, la tempul thiangtho chu bang ti’n, hun mu kit thei ding ka hi tam?’ ka ti’n.

⁵Tuite chun ei chupmang ta’n; tui thûk tak in ei ûm vêl tai; hampate chun ka luchang a tuamvêl ta’n,

⁶tângte bul lam pek ka tung tai. Lei in kumtuang ah chabi a khâkkhûmna ding mun chu ka tung suk tai; ahi’n la, aw LALPA ka Pathian, nang in ka hinna khûkthim ah, kipat in la puidok tai.

⁷Ka hinna ka sung ah a basap lai in, LALPA chu ka hezing ah; tichun, ka pauchapna chu, la tempul thiangtho ah la kiang, a hung tung to tai.

⁸Milim manthei lo ho te chun, a ginumnau a kilepsan zo tau hi.

⁹Ke’n vang, kipak thu gen kawm in, thutiam ka la bawlsa chu mualsua ing ka. Hukdamna chu LALPA â ahi,” a ti tai.

¹⁰Ziaphatchun, LALPA‘n ngapi kiang in a gen ta’n; tichun, Jonah chu se’pho in a lawdok kit tai.