Read Vaiphei KISIMNA LEKHABU 1 Bible Online

KISIMNA LEKHABU 1 - Vaiphei bible

KISIMNA LEKHABU 1

¹Aigupta gam ah kipat a pawtdok zaw nung uh, kum ni a tin kum, tha ni’na, a ni khat ni’n, Sinai gamthip ah kikhopna biakbûk sung ah LALPA chun Mosi kiang in zia gual hin a gen ah:

²Israel chate zosia, a Inkuan dungzui un, a phung a phung in, pawsal zosia chu a min chiat un, a bân bân in sim inla;

³Israelte lak ah gâldo thei, kum sawmni ah kipat chung lam mi sia chu sim in. Nangma tawh Aron in a pawl pawl ah la sim ua, la zik lut ding uh ahi.

⁴Phung tin leh a pa phung chiat ah kipat ah luchang pakhat chiat in a hun kithuapi ding uh ahi.

⁵Nangma hun kithuapi dingte min chu ziate hi a hiu: Reuben phung ah Shedeur chapa Elizur;

⁶Simeon phung ah Zurishaddai chapa Shelumiel;

⁷Judah phung ah Amminadab chapa Nahshon;

⁸Issakhar phung ah Zuar chapa Nethanel;

⁹Zebulun phung ah Helon chapa Eliab;

¹⁰Joseph chate lak ah: Ephraim phung ah Ammihud chapa Elishama; Manasseh phung ah Pedahzur chapa Gamaliel;

¹¹Benjamin phung ah Gideoni chapa Abidan;

¹²Dan phung ah Ammishaddai chapa Ahiezer;

¹³Asher phung ah Okran chapa Pagiel;

¹⁴Gad phung ah Deuel chapa Eliasaph;

¹⁵Naphtali phung ah Enan chapa Enan chapa Ahira a hiu a.

¹⁶Ziate hi Israel mipite lak ah kipat têldawte, a pa’u phung chiat ah kipat leh hotu leh luchang ding ah a têldawteu chu a hiu hi.

¹⁷Mosi tawh Aron in zia a mi guatteu chu a pui tau a,

¹⁸tha ni’na, a ni khat ni chun mipi zosia a ko khawm tau ah. A phung phung ah, a pa Inkuan dungzui chiat un, kum sawmni ah kipat a chung lam zosia,

¹⁹Mosi kiang ah LALPA‘n thu a piak dungzui tak in a mimal mal un, a min uh a zik lut tau hi. Tichun, Sinai gamthip ah chun a min uh a zik lut suak tai.

²⁰Pawsal lak ah kum sawmni ah kipat chung lam mi, gâlkuan thei zosia, a phung dungzui chiat un a min uh a khum tau ah; Jakob chapa upapen Reuben phung ah kipan in a sim ua, phung tin ah mi jat chu zia gual hi a hiu ah: Phung min leh a mi jat chiat uh chu zia gual hi ahi:

²¹Reuben phung ah mi sîng li sang guk leh za nga;

²²Simeon phung ah mi sîng nga sang kua leh za thum;

²⁴Gad phung ah mi sîng li sang nga za guk leh sawmnga;

²⁶Judah phung ah mi sîng sagi sang li leh za guk;

²⁸Issakhar phung ah mi sîng nga sang li leh za li;

³⁰Zebulun phung ah mi sîng nga sang sagi leh za li;

³²Ephraim phung ah mi sîng li leh za nga;

³⁴Manasseh phung ah mi sîng thum sang ni leh za ni;

³⁶Benjamin phung ah mi sîng thum sang nga leh za li;

³⁸Dan phung ah mi sîng guk sang ni leh za sagi;

⁴⁰Asher phung ah mi sîng li sang khat leh za nga;

⁴²Naphtali phung ah mi sîng nga sang thum leh za li. A leng un nuai guk sang thum za nga leh sawmnga a hiu.

⁴⁷Levi phung ah mite a hiu leh vang, a pu a pateu Inkuan dungzui un, mipi lak ah simkhawm ahi puau hi.

⁴⁸LALPA chun Mosi kiang in zia gual hin a la gen ta’n:

⁴⁹Nang in Levi phungte bep chu Israel mipite lak ah chun la simkhawm lo ding leh la ziklut lo ding ahi.

⁵⁰Levite chu ka chênna biakbûk leh a sung ah matchâk zosia leh a sung ah um zosia enkol ah, nasem ding ah la guat ding ahi; biakbûk vante chu a puak ua, a etkol ua, biakbûk kîmvêl ah chun a giak sek diu ahi.

⁵¹Biakbûk chawn ding ahi’phat leh Levite’n phel tha’n tiu in; biakbûk jak ding ahi’phat leh Levite ma ma’n a jak sek diu ahi. Midang biakbûk hun nai kha taphot chu thalup ngal ding ahi.

⁵²Israel dangte zosia chu a pawl pawl in, amau puanbûk kisak chiat un a giak diu ahi;

⁵³Israel mipite chung ah Pathian lungnatna a tunlona dingin; Levite chu vang ka chênna biakbûk kîmvêl ah chun a giak diu ahi; chuleh, Levite chun ka chênna biakbûk chu a chintup diu ahi.

⁵⁴LALPA chun Mosi kiang ah thu a piak gual ah chun Israel chate’n a bawl tau a.