Read Vaiphei KISIMNA LEKHABU 19 Bible Online

KISIMNA LEKHABU 19 - Vaiphei bible

KISIMNA LEKHABU 19

¹LALPA chun Mosi tawh Aron kiang in:

²“Zia hi LALPA thupiak, a dan thuthung chu ahi: Israelte chun bawnglâ san, mêlhêmna umlo leh demna bei leh ngawngkol bât kha nai lo pakhat la kiang ah hun kai dingin hil in.

³Zia chu thiampu Eleazar kiang ah pia’n la, giamun pawlam ah kaidok in, a mit mu ah chun a thalup ding ahi.

⁴Thiampu Eleazar in a khutzung in a thisan chu bang jat a hem la’n, kikhopna biakbûk mai lam chu sagivei a the’khum ding ahi.

⁵Chuleh, bawnglâ chu a mit mu in a hâltum ding ahi: a vun, a phe, a thisan leh a êk zosia chu hâltum ding ahi.

⁶Thiampu chun sidar thing, husop tawh, puan sandup tawh, bawnglâ kihâlna meikuang lak ah chun sep lut hen la;

⁷ziazaw chuleh, thiampu chun a puante sawp thiang in, a kisil zaw phat leh giamun sung in lût thei bep in ah; ahi’n la, nitâk lam tiang in thiampu chu a buak ding ahi.

⁸Bawnglâ san hâl ah pang pen chunle, a nîk leh puan sawp intin, a taksa le a kisil ding ahi; tichun, nitâk lam tiang in a buak ding ahi.

⁹Mi a thiangsa khat in bawnglâ san kihâlna vutte chu luak intin, giamun pawlam ah mun kiguatna khat in a koitup ding ahi; chuleh, Israelte chun a kihi’thianna ding uh tui thiang tawh hel dingin koitup hi’n a. Zia chu kisukthianna ding ah thillat hi’n a.

¹⁰Bawnglâ san kihâlna vut luak dokpen chunle a puante sawp thiang intin, nitâk lam tiang in a buak ding ahi. Zia hi Israelte â ding leh a lak ua gam dang mite â dinginle, kumkhua a zui ding uh dan thuthung chu ahi,” a tia.

¹¹Kua hitaleh, mithiluang sukha taphot chu, ni sagi sung a buak ding ahi.

¹²A nithum tin ni leh kihi’thianna ding vut tui ah chun kisil intin, a ni sagi tinni leh ama chu thiangtho bep ding ahi; ahi’n, a ni thum ni chu a kihi’thian lo chun, a ni sagi ni chunle thiang diak lo ding ahi.

¹³Kuale, mithiluang sukha, kisubuak kha a um chun, LALPA biakbûk a hi’buak ah; zia gual mi chu a chipi Israelte lak ah kipat in paithâk ding ahi. Ama chung ah kihi’thianthona tui a kithe’khum man lo ziakin ama chu a buak ding ahi; a buaknau chu a chung un um zing ta’n a.

¹⁴Kua a hem khat puanbûk sung ah thi den a um phât leh zia gual hi hi’n a: Zia puanbûk sung ah valût kha zosia tawh, a puanbûk sung ah um zosia chu ni sagi sung a buak ding uh ahi.

¹⁵Chuleh, zia In sung ah ûm leh bêl, a sitna umlo zosia chule a buak sik sek ding ahi.

¹⁶Kua hileh, gamlak ah chem ah kisatlum a hem, natna ziak ah thi a hem, ahiloleh, mithi gu a hem leh thânkhûk a hem sukha taphot chu, ni sagi sung a buak ding uh ahi.

¹⁷Zia gual ah mi kihibuakpa hi’thianna ding chun, kihi’thianna ding ah bawnglâ san kihâltumna vut tui chu tawh, lui luang lai tui neukhat bêl sung ah hel in,

¹⁸mi a thiangtho khat in husop pawn la’n, zia tui chun dia intin, zia puanbûk tawh a matchâk zosia, a sung ah um mihing zosia, guhawm sukha zosia, mithi leh mithiluang leh thânkhûk sukha zosia chung ah chun a thinkhum ding ahi.

¹⁹Mi a thiangthopa chun, a ni thum ni leh a ni sagi tin ni chun, a buakte chu hi’thianna tui chu thinkhum intin; zia gual ah chun a buak zosia chu hi’thian hita’n au. Ziazaw chuleh, a puan uh sawp in, kisil intiu in, zia nitâk lam ah kipat chun a thiangtho hita’n au.

²⁰A buak hi’ngâl ah, kihi’thian gaw lo taphot chun, LALPA mun thiangtho hibuak a hiziak un, mipite lak ah kipat paidaw ding a hiu. Kihi’thianna tui thinkhum a hilo ziak un, a buak ding uh ahi.

²¹Zia hi kumkhua la dan thuthung ding uh chu ahi. Hi’thianna tui thinkhum pen chun a puansawp in ah; zia kihi’thianna tui sukha taphot chu nitâk lam tiang in a buak ding uh ahi ngâl a.

²²Mi buak in a sukkhak taphot chu a buak hi’ngâl ding ahi; chuleh, zia thilbuak sukha taphot chule nitâk lam tiang in a buak ding uh ahi.