Read Vaiphei KISIMNA LEKHABU 26 Bible Online

KISIMNA LEKHABU 26 - Vaiphei bible

KISIMNA LEKHABU 26

¹Thi’na huaisia kithial phatin, LALPA chun Mosi tawh, thiampu Aron chapa Eleazar kiang in:

²“Israelte lak ah, kum sawmni ah kipat a chung lam mi, gâl kâp thei zosia a Inkuan dungzui chiat un sim un,” a tia.

³Mosi tawh thiampu Eleazar in Jordan luigâl, Jeriko gâl lam ah Moab phâijawl ah chun mipi ko khawm in, a kiang un,

⁴“Mipite lak ah kum sawmni ah kipat chung lam mi sim un, ti’n LALPA chun Mosi thu a piak ahi,” a tiu a.

⁵Reuben chu Israel cha upa pen ahi; Reuben suante chu: Hanokh, Pallu,

⁷Ziate chu Reuben phung ah mite a hiu ah; a lak ua kisimna min kikhum zosia chu sîng li sang thum za sagi leh sawmthum a hiu a.

⁸Chuleh, Pallu suante chu Eliab ahi.

⁹Eliab suante chu: Nemuel, Dathan leh Abiram a hiu a. Dathan tawh Abiram in LALPA chung ah a phunchiak lai ua, Korah tawh kithua ah, Mosi tawh Aron nial ding ah mipite lak ah kipat a têldaw teu;

¹⁰lei in a kam a kâ, Korah tawh a lawite zosia a val khawm ah, van ah kipat ah meikuang hung ketha’n amau lawi mi za ni leh sawmnga a katlumpite ma ma kha a hiu a; tichun, amau chu midang kihilna’n a pang tau a.

¹¹Ahi’n la, Korah chapate chu vang a thikhawm puau hi.

¹²Simeon suante a phung dungzui un: Nemuel, Jamin, Jakin,

¹³Zerah, Shaul a hiu.

¹⁴Simeon suante chu sîng ni leh sang ni a hiu.

¹⁵Gad suante, a phung dungzui un: Zephon, Haggi, Shuni,

¹⁶Ozni, Eri,

¹⁷Ard, Areli a hiu a.

¹⁸Gad phung ah mi kisim, a min kikhum zosia chu sîng li leh za nga a hiu a.

¹⁹Judah chate chu: Er tawh Onan a hiu a; Er tawh Onan chu Kanaan gam in a la thi tau a.

²⁰Judah suante chu a phung dungzui un: Shelah, Perez, Zerah;

²¹Perez suante chu: Hezron leh Hamul a hiu.

²²Judah phung ah mi kisim, a min kikhum zosia chu sîng sagi sang guk leh za nga a hiu.

²³Issakhar suante chu: Tola, Puvah,

²⁴Jashub leh Shimron a hiu a.

²⁵Issakhar phung ah mi kisim, a min kikhum zosia chu sîng guk sang li leh za thum a hiu.

²⁶Zebulun suante chu: Sered, Elon leh Jahleelte a hiu.

²⁷Zebulun phung ah mi kisim, a min kikhum zosia chu sîng guk leh za nga a hiu.

²⁸Joseph suante chu: Manasseh tawh Ephraim a hiu a.

²⁹Manasseh suante chu: Makir leh Gilead a hiu a.

³⁰Ziate hi Gilead suante chu a hiu: Iezer, Helek,

³¹Asriel, Shekhem,

³²Shemida leh Hepher a hiu a.

³³Tu’hin, Hepher chapa Zelophehad chun chapa bei in, chanu ngen a nei ah; Zelophehad chanute min chu: Mahlah, Noah, Hoglah, Milkah tawh Tirzah a hiu.

³⁴Manasseh phung ah mi kisim, a min kikhum zosia chu sîng nga sang ni leh za sagi a hiu.

³⁵Ephraim suante chu: Shuthelah, Bekher, Tahan a hiu a.

³⁶Shuthelah suante chu Eran a hiu.

³⁷Ephraimte phung ah mi jat, a min kikhumte chu sîng thum sang ni leh za nga a hiu. Ziate hi Joseph suante chu a hiu.

³⁸Benjamin suante chu: Bela, Ashbel, Ahiram,

³⁹Shephupham leh Hupham a hiu.

⁴⁰Bela chate chu Ard tawh Naaman a hiu a.

⁴¹Ziate chu a phung dungzui ah, Benjamin suante chu a hiu a; a min kikhum zosia chu sîng li sang nga leh za guk a hiu.

⁴²Dan suante chu Shuhamte a hiu a.

⁴³Shuham phung ah mi kisim, a min kikhum zosia chu sîng guk sang li leh za li a hiu.

⁴⁴Asher suante chu: Imnah, Ishvi leh Beriah a hiu a.

⁴⁵Beriah suante chu: Heber leh Malkiel a hiu a.

⁴⁶Chuleh, Asher chanu min chu Serah ahi.

⁴⁷Asherte phung ah kipat mi, a min kikhum zosia chu sîng nga sang thum leh za li a hiu.

⁴⁸Naphtali suante chu: Jahzeel, Guni;

⁴⁹Jejer leh Shillem a hiu.

⁵⁰Ziate hi a phung dungzui ah, Naphtali suante chu a hiu a, a min kikhum zosia chu sîng li sang nga leh za li a hiu.

⁵¹Israelte a min kikhum zosia chu nuai guk sang khat za sagi leh sawmthum a hiu.

⁵²LALPA chun Mosi kiang in:

⁵³Ziate â ding hin a tam leh tawm dungzui un, a gochan ding uh gam la hop piak ding ahi.

⁵⁴A mi tamte lian deu pia’n la, a mi tawmte neudeu pia’n; a min uh kikhum dungzui chiat in a gam lua ding uh pia’n.

⁵⁵Himaleh, a gam chu âisân in la hop piak ding ahi; a pateu phung min dungzui chiat in gam a chan diu ahi.

⁵⁶A mi tam leh a mi tawm lak inle âisân in a gam uh la hop piak ding ahi.

⁵⁷Levite phung ah min kikhumte chu: Gershon, Kohath leh Merari a hiu.

⁵⁸Ziate hi Levi phungte chu a hiu; Libni, Hebron, Mahli, Mushi leh Korah a hiu a. Korah chu Amram pa ahi.

⁵⁹Amram ji min chu Levi chanu Jokebed ahi; Aigupta gam ah Levite Inkuan ah piang ahi; Amram ah kipat in Aron, Mosi tawh a suapinuu Miriam a piang ui.

⁶⁰Aron ah kipat in Nadab, Abihu, Eleazar tawh Ithamar a piang ui.

⁶¹Ahi’n, Nadab leh Abihu vang LALPA kiang ah mei thianglo a lat ziak un a la thi tau a.

⁶²Amau Inkuan ah pawsal, tha khat ah kipat a chung lam mi zosia chu sîng ni leh sang thum a hiu a; amau hi Israelte lak ah sim khawm ahi puau hi; Israelte lak ah kipat golua ding gam piak a hilo ziak un.

⁶³Ziate hi Moab phâijawl ah, Jeriko gâl ah Jordan luigâl langkhat lam ah, Mosi tawh thiampu Eleazer in a sim uh, Israelte a min uh a khum zosiau chu a hiu a.

⁶⁴Ziate lak ah hin Mosi tawh thiampu Aron in, Sinai gamthip ah Israelte a la simnau ah pangte lak ah mi pakhat chale a pang ta puau a.

⁶⁵LALPA‘n a chung thuu ah: “Gamthip ah thi malam ding ahiu,” ti ah a la gensa gual in, a lak un Jephuneh chapa Kaleb tawh, Nun chapa Joshua tilo ngâl kuama a dam a um ta puau hi.