Read Vaiphei MIKAH 6 Bible Online

MIKAH 6 - Vaiphei bible

MIKAH 6

¹LALPAbang thu gen ahi em ti ngai hitiu: Kipan inla, mualte kiang in la chungthuu vagen unla, chuleh tângte chun la aw he tau hen.

²Mualte haw, LALPA demna thu hi la ngaitha tau in; nanghaw lei kingaknate haw, ngaitha tau in; LALPA’n a mite a nial tai. Israelte chule hun nial ding ahi ngal a.

³Aw ka mitehaw, bang ka hun law ta diam? Bang lam pen in hem ka hun sukgim tâk le? Ei hun dawnhu ma tiam un leh!

⁴Aigupta gam ah kipat in ka hun puidok la hi’ngal un, suak la hi’nau ah kipat ka hun tatdok la hiu; a hun pui dingin, Mosi, Aron leh Miriam ka hun sawl ta kha.

⁵Aw ka mite haw, LALPA’n a hun hukdaw’na ding ah, a thil bawlte kha la hiattheina ding un, Moab leh Balak thuguat leh Beor chapa Balaam dawnhu dante, Shittim tâng ah kipat Gilgal tiang ah thil umdante kha, tu’hin hezing tau in.

⁶Bang tawh ahi diam LALPA ma ah ka hung ah; Pathian Chungnung pen ma ah chun ka kûn ding? Hâlmang thil latte, bawngno kum khat ah upate tawh a ma-âng ah hung ding ka hi hem?

⁷LALPA chu belamchal sâng tam takte ziak ah chun kipak ding a hia, sathau ah luang luipi sîng khat ziak ah chun kipak ding a hem? Ka bawlkhialnate ziakin a hem ka cha lutil chu ka piak ah, ka thagau gitlona ziak ah ka gil ah ga chu ka piak ding?

⁸Aw mihing, a pha kiti chu a hun hil tai; LALPA’n nangma a hun phûtna chu, dik tak ah bawl leh lungsiatna ngainat ah, thunuaigol tak ah la Pathian tawh kiton hilo a hem?

⁹LALPA’n khawpi chu a hun ko hen: (la min ki’châk chu pilna dik ahi;) Aw phung tin leh khawpi ah mipite haw, hiau in!

¹⁰Midik lo in a diklona gobawmte leh, a te’na ki’dak umte chu hemil thei ding ka hem?

¹¹Bûkna diklo leh dip gik dan diklote chu, ngaithiam thei ding ka hem?

¹²La mi hausateu chu kipawngbawlna’n a dim un, zia chêngte chun a kam un thep hatna lei in zuau thu a gen un.

¹³Ziaziakchun, ke’nle nasa tak in, ka hun khên pûk pan ta hen, la gitlonate ziakin ka hun sugam ta la hi.

¹⁴Ne’n la tin la, vâ diak lo in gilkial zing inla; a bitna dingin thak mang lechinle bangma bit diak pua’n a; la humbit sunte chule chemjam ah pûk dingin, pedok tho tho ding ka hi.

¹⁵Buchi tû lechinle, ât diak pua’n la; Oliv hêk lechinle a thau in kijut diak pua’n la; grep gate sûk lechinle, a tui dawn diak pua’n la.

¹⁶Omri thuguatte leh Ahab Inkuante thilbawl chu la vop zing in, a lemguatnau chu la zui zing ngal a. Ziaziakchun, a hawm ah nutsia in hun siam ing ka tin, la sung ah chêng sunte chule mi nuizatbûk in siam ding ka hi; tichun, ka mite minsiatna chu paw ta’n la.