Read Vaiphei ZEKARIAH 13 Bible Online

ZEKARIAH 13 - Vaiphei bible

ZEKARIAH 13

¹Ziaphat chuleh, David Inkuante leh Jerusalem ah chêngte zosia sualna leh, buakkaina zosia sil thiang dingin tuinâk hung pawt ta’n a.

²Zia ni chun, gam sung ah kipat thagau buakte leh Jawlneite paidok sik sek ing ka tin, amau hetzuina um ta pua’n a; chuleh, gam sung ah kipat in jawlneite leh thagau buakte paidok sik sek ta’ng ka, sepai honte LALPA‘n a ti ahi.

³Chuleh, jawlnei dang him himle a hung pia’n kit khâk ahi chun, amau hingtu, a nu leh a pate chun, “LALPA min ah zuau gen la hiziak in thi ding la hiu,” ti’n au; chuleh, amau hingte a nu leh a pateu khan, a thu a gen lai tak un chei in sun lum ngal in au.

⁴Zia ni chun, jawlnei zosia’n a thil muteu a gen daw lai un, kisathei tak in um pua’n tiu in, mithepna dingin a jawlnei puan chualteu chule âk diak ta pua’n au;

⁵amau chun, “Jawlnei ka hipua’n, lou bawl mi ka hi; lou gamte hile ka tanglak lai ah kipat khan ka gochan a la hi tai,” ti ta’n au.

⁶Chuleh, kua a hem khat in, “Aleh, la awmtâng ah beliamte hi bangtidan a hem?” tia a dot phat ua leh, amau chun, “Ka lawite In ah beliam ka tuak ahi,” ti’n dawnhu ta’n au.

⁷“Aw chemjam, hung tho inla, ka belampu leh keima ei kithuapipa chu hun sât in,” sepai honte LALPA chun a ti ahi. Belam honte a taijak theina ding un belampu chu sât inla; a note chung ah ka khut tha ta’ng ka.

⁸A gam ah um zosia lak ah, a mun thum ah khen mun ni suksiat hi’ntin, a mun thum ah mun khat chu hawi hi’n a.

⁹Chuleh, a mun thumnate chu mei lak ah sep lut ing ka tin, dangka thik hâl thiantho gual in hâl thiangtho ta’ng ka. Ka min hun lam ta’n tiu in, ke’nle dawnhu ta’ng ka. “Amau chu ka mite a hiu,” ti’ng ka tin; amau inle, “LALPA chu ka Pathian uh ahi,” ti ta’n au.