Read Vaiphei ZEKARIAH 4 Bible Online

ZEKARIAH 4 - Vaiphei bible

ZEKARIAH 4

¹Vansawlchak ei hopa chu a hung kit ah, mi ipmu lai kikaitho gual in ei hung kaitho a.

²Ka kiang in, “Bang la mu em?” ei hun ti’n. Keima’n, “Sana thaumei tunna a chung ah belbuneu khat um; chuleh, a chung ah thaumei pasagi leh a phita sagi chiat kitua ka mu’n.

³Chuleh, Oliv thing pani, changlam leh a veilam ah belbu neu um le ka mui,” ti’n ka dawnhu a.

⁴Vansawlchâk ei hopa kiang ah chun, “Ka LALPA, ziate hi bang a hem?” ti’n ka dong a.

⁵Ziaphatchun, vansawlchâk ei hopa chun, “Ziate hi bang a hiu helo maw?” ti’n ei dong a. Ke’nle, “He pu, ka hepuai,” ti’n ka dawnhu a.

⁶“Zia hi Zerubbabel kiang ah LALPA thu hun gen chu ahi: Thagum hatna ziak hilo, thilhitheina ziak le hi diak lo in, ka thagau ziak bep in ahi, ti’n sepai honte LALPA chun a ti’n.

⁷Aw nang uh tâng thupi takte haw, bang ah kibawl la hiu em? Zerubbabel âng ah chun phâicham hung suak ding la hiu; kipakna kiko aw Pathian in maljawl hen! Pathian in maljawl hen! ti ah kiko kawm in a suangtian chungnung pen chu hun lem khawm zo ta’n au,” ti in.

⁸Zia lo chun le, LALPA chun ka kiang in thu a hun gen kit a;

⁹Zerubbabel khut in zia In suangphûm hi a la lem ta’n; ama khut ma ma chun hun sa zo ding ahi. Ziaphat chuleh, sepai honte LALPA‘n ei sawl ka hi ti hechian ta’n lau.

¹⁰Kuale, thil neucha nite musit taphot chu hung kipak intin; Zerubbabel khut ah etdikna um chu a la mu ngei in au. Zia mit pasagite hi LALPA mit, kawlkil zosia mu suak chu a hi, a ti’n.

¹¹Ziaphatchun, ka dawnhu ah, “A leh, zia thaumei tunna changlam leh veilam tuak ah um Oliv thingte ni hi bang dan a hem?” ka ti’n.

¹²Chuleh, ka dong non kit a: “Zia sana tuilawng pani sathau hung pawtna Oliv thingbâk pani hi bang dan a hem?” ka ti kit a.

¹³Ama chun, “Ziate hi bang ahi he nailo maw?” a hun ti’n. Ke’nle, “Ka LALPA, ka hepuai,” ti’n ka dawnhu a.

¹⁴Ziaphatchun, ama’n, “Zia te ni hi khawvel pumpi LALPA ma-âng ah tawi leh chan ding ah sathaunu’ ah umte chu a hiu,” ti’n ei hun dawnhu tai.