Read Vaiphei MALAKI 4 Bible Online

MALAKI 4 - Vaiphei bible

MALAKI 4

¹Ngai un, LALPA ni chu! Mi kiletsak zosia leh thil phalo bawl taphot kâng tum intin, thukkhûk ah meikuang gual chu hung tung ding ahi tai; zia ni hung tung ding chun kâng tum in tin; tichun, a zung leh a bâk natiang in khêk nei pua’n a.

²Himaleh, nang uh ka min laute chung in vang dikna nisa tawh a thalîm ah sukdamna hung suak in a. Bawng In ah bawngno kichawm gual in kichawm dok ta’n lau.

³Migilote chu tawden ta’n lau; zia ka hun bawl guatna ni ah chun amau chu la kengpêk nuai ua leivui gual bep hita ding a hiu, sepai honte LALPA chun a tii.

⁴Ka suakpa Mosi zilsakna leh Horeb tâng ah Israelte â ding ah ka thuguatte, ka dan thute leh ka thupiakte kha hezing un.

⁵Ngai un, LALPA ni lopi leh tizat um tak chu a hung tun masang in, jawlnei Elijah hun sawl ding ka hi.

⁶Ama chun pate lungthim chate lam ah, chate lungthim pate lam ah kihei sak intin; chutilochun, keima hi la gam uh hânsialaw ah gawt dingin hung kha’ng ka.