Read Vaiphei MATTHAI 20 Bible Online

MATTHAI 20 - Vaiphei bible

MATTHAI 20

¹Van gam chu gam neipa, a grep huan ah nasem ding chial ah jingkal ma tak ah tho ah, pawtdok gual chu ahi.

²Ama chun ni khawtha’ a law ngai zat, denarii khat piak dingin a kihopi ah, a grep huan in a sawl tai.

³Dak kua vêl ah a vavakdaw leh, midang kaithial mun ah ding mai maite a vamu’n;

⁴ziate kiang ah chun, nang uh le grep huan ah vakuan unla, a kilawm kham hun pena’ng ka, a tia. Amau chule a vakuan tau a.

⁵Sûnkim leh nitâk lam dak thum tiang inle mi a sawl nalai a.

⁶Nitâk lam, dak nga vêl ah a vapawt daw kit leh, midang mawk din mai mai a vamu kit ah, a kiang un, bangatia, zia tak ah hi sun nitum ah mawk um la hiu em? a tia.

⁷Amau chun a kiang in, kua ma’n ei goi puau ah ahi, a tiu a. Ama chun a kiang un, aleh, nang haw le ka grep huan ah vakuan tau in la, a ti kit a.

⁸Nitâk a hung hi in, grep huan neipa chun a sum voppa kiang in, nasemte kha ko inla, a nunung pen ah kipat a masa pen tiang in a law uh pia’n, a tia.

⁹Dak nga vêl in a mi goite a hung un, ni khat thaman zat chiat a muu a.

¹⁰Ahi’n, a kuan vaimate’n, a tam zaw deu mu a kigingchau ah; ahi’n la, amau chunle nikhat thaman zat chiat a mu tau a.

¹¹A tha man uh a kilâk phat un gam neipa chung in a phunnawi tau a.

¹²A nunungte hin dakkal khat bep a sêm un, kei uh nisapi thuak ah gim tak ah a la pangte tawh law kibang in lei pia ziang ah, a tiu a.

¹³Ama chun a lak ua mi pakhat kiang in, Lawm, la chung un hi’khial bangma ka nei puai; ni khat law zat law ding ah kiho tuaksa hilo I hiu em?

¹⁴Nang â ding chu la’n la chia mai in; zia a nunung pen hile nangma ka piak jat chu piak ka nuam hi.

¹⁵Kei â hive’n, ka nop dan dan ah ka bawl thiang hilo a hem? Ahiloleh, keima huangphal ziakin nang in mitthipna la nei ziang a hem? a tia.

¹⁶Tichun, a nunungle hung masa’n tin, a masale hung nunung in au, a tia.

¹⁷Jerusalem lam ah Jesu a chia to lai in, a nungzui sawm leh nite chu pui chuam in, lamkâl in a holimpi ah, a kiang un,

¹⁸ngai tiam u, Jerusalem lam ah chia to ding I hitau hi; zia tak ah chun Mihing Chapa hi thiampu lalte leh, lekhazikte khut ah matsak in um intin, a thi dingin thiamlo hun chansak ding a hiu.

¹⁹Chuleh, nuisan ding leh jep ding leh kros ah khetden dingin, Jentelte khut in pia’n tiu in; himaleh, a ni thum ni leh tho kit ding ahi, a tia.

²⁰Ziazaw chun Zebedai chate nu chu a chapate tawh a hung un, a ma’ hung bokkhup in, chanpha pakhat a hung don tau a.

²¹Ama chun a kiang in, bang a hem la dawi? a la tia. Amanu chun a kiang in, La gam ah chun zia ka chapa teni hi pakhat la changlam ah, pakhat la veilam ah chutsak lechin ka ti ahi, a hun tia.

²²Himaleh, Jesu’n a dawnhu a, la thildot hi bang a hile helo la hi. Ka no dawn ding chu dawn thei ding la hiu ah a hem? a tia. Amau chun, thei ing kau, ti’n a dawnhuu a.

²³Ama chun a kiang un, ka no dawn ding chu dawn in lau; himaleh, ka changlam leh ka veilam ah kichu ding chu keima piak ding a hipua’n, ka Pa’n a guatte kiang ah chun a piak ding a hizawi, a tia.

²⁴Zia thu chu a dang sawmte’n a hun het phat un, zia unau pani’te chung ah chun a lungdam ta puau a.

²⁵Himaleh, Jesu’n a kiang in amau chu a ko ah, Jentelte chung ah vaihawmte chu a chung un a lal ma mau ah, a milianteu chunle a chung un thu a nei ma mau hi, ti la hiau hi.

²⁶Himaleh, nangmau lak ah chun zia gual chu hilo ding ahi; la lak ua a lianpen ding chu la suak ua a pan diu ahi.

²⁷La lak ua a lalpen hi’nuam chu la suak ua a pan diu ahi.

²⁸Mihing Chapa hial hile min a na a sep piak ding ah hung a hipua’n, nasem ding leh, mi tam tak tatna ding ah a hinna pia ding ah hung ahi zawi, a tia.

²⁹Jeriko ah kipat a pawt daw phat ua chun, mipi tam tak in a hun zui un.

³⁰Lampi pâm ah mitthûm pani a la kichuu a, Jesu a hung hi ti a het phat un, a hung kiko ua, Aw LALPA, David Chapa, ei lungsiat in, a tiu a.

³¹Mipite chun thip dingin a vau un; himaleh, amau chun, Aw LALPA, David Chapa, ei lungsiat in, ti’n a kiko ngai zaw diak tau a.

³²Jesu chu ding in, amau chu a ko a, bang hun hi’piak leng lei tiu em? a hun tia.

³³Amau chun a kiang in, LALPA, mu thei ka nuam ui, a tiu a.

³⁴Jesu’n a lungsiat ma ma ziakin a mit uh a khoi a: Thakhat in a mu thei ngal tau a, ama a zui tau hi.